InfoHub Logo

Ózge oqyǵan zamandastary óz bastarynyń paıdasyn ǵana izdep, ar hám ımandaryn satyp júrgende, Ahmet halyqtyń aryn izdep, óziniń oıǵa alǵan isi úshin bir basyn báıgege tikken. Ahmet Baıtursynuly ultyn shyn súıetin shyn ultshyl.

Sáken Seıfýllın

Bissimillámen bastalar sózdiń basy dep jyrlaǵan eken bir aqyn. Men aqyn emespin. Qarapaıym stýdentpin. Men de óz sózimdi bissimillámen bastap, ary qaraı Ahmet Baıtursynulynyń «Qazaq ókpesi» maqalasynyń aıshyqty máni týraly jalǵaǵym keledi.

“Qazaq ókpesi” maqalasynda tarıhı máselelerge obektıvti, ǵylymı turǵydan qaraıtyndyǵy kórinedi, qazaq handyǵy nelikten qulady, óz aldyna derbes memleket bolyp tura almaýdyń sebebi, Reseıge qosylýdyń negizgi jaǵdaılary degen problemalardyń jaýaby aıtylady. “Oljaly jerde úlesten qaǵylǵanymyz, ordaly jerde orynnan qaǵylǵanymyz, joraly jerde joldan qaǵylǵanymyz – bári nadandyq kesapaty» - deı kelip, el men eldi, ult pen ultty teńgeretin ǵylym, óner ekenin aıtyp, oqýǵa, aǵartýshylyqqa den qoıady.

Maqalanyń bas jaǵynda «Tómende qazaq ókpeleýiniń jóni bar ma, joq pa - sony jazbaqpyn» - deıdi. Jer qazynalyq boldy dep ókpeleý bilmestikten deıdi. Egerde jer qazynalyq bolmasa qazaqta estektiń kebin kıetin edi. «Qazaqtyń estekten nadandyǵy da, jalqaýlyǵy da kem emes» - deıdi. Dushpan kúldirip aıtady, dos jylatyp aıtady degendeı. Qatty aıtsada shyndyqty aıtqan. Jerińe kelip mujyq qonystansada, basqa bolsada ózińnen kór. Árkimge kiná taqpańdar, amaldardy túzeńder degen. Ǵylym men ónerdiń eń mańyzdy ekenin jetkizgisi kelgen. Osy maqala arqyly kóp qazaqtyń kózi ashylyp, sanasy oıanǵany shúbásiz. Maqalanyń maqsaty da, máni de osy dep oılaımyn.

Jaqypbekov Oljas Aıdynuly

---