InfoHub Logo

Qazaq baspasynda óziniń orynyn qalyptastyryp, birshama oqyrmannyń ystyq yqylasyn alyp úlgergen "Aq bosaǵa" gazetine áne-mine degenshe irgeli 30 jyl tolyp otyr. Qazaq otbasylarynyń bısaıası basylymy, otbasyna onyń ishinde názik jandylardyń bilim kókjıegin keńeıtetin kishigirim mektep esebinde boldy. Gazet alǵash 1991 jyldyń 7aqpanynan bastap oqyrmanǵa jol tartty. Redaktorlyq tizgindi otyz jyldan beri Sholpan Uǵybaıqyzy ustap keledi. Gazet óte qyzyqty, oqýǵa jeńil. 2000 jyldardaǵy tırajy shamamen 43900 jýyqtaǵanynan aq suranysty bilýge bolady. Sol kezeńdegi aıdarlaryna nazar salatyn bolsaq, gazetti basqa qyrynan tanyp, biraz dúnıege qanyǵa túsemiz. «Boı jetkender buryshy» aıdarynda qyz kelinshekterden kelip túsken oı-tolǵamdar jaryq kórgen. Osy rette"Qyzben júrý «moda» ma?", "Sezimim sýyp barady", "Mahabbat degen dalbasa" sekildi materaldar jaryq kórgen. "Kelinshekterge keńes" bóliminde sán, dastarhan jaıý úlgisi taǵyda basqa túrli paıdaly da nanymdy aqparattar basylǵan. «Zamana», «Mahabbat. Taǵdyr. Mehnat»-búginginiń aqpary, «Ádemilik enshimiz», «Qal qalaı qurby?», motıvasıalyq, syrlasý, tanymdyq dáıekter, «Bala desek. . . », «Qyzym saǵan aıtam. . . »-bala tárbıesine arnalǵan. «Kindik sheshe», «Abysynǵa aıtar naz»- analarǵa arnalǵan. «Myń tyj-byj»-tyń aqparat, «Orda buzǵan oǵlandar»-tanymal er azamattar ómirine sholý. Bir qyzyǵy tipti «Ońasha otaý», «Uıat-aı» sekildi aıdarlar kezdesken. «Ońasha otaýda» áıel azamatshalar ózderin tolyq tanystyra ketip, ekinshi jartylaryn izdeıtinin jazady, al kóńili túsken er azamattar redaksıaǵa habarlasyp uıaly-telefon nómirin alyp ári qaraı tanystyq jalǵastyra alǵan. «Uıat-aı» aıdarynda mazalap júrgen, aıtýǵa qysylatyn suraqtar jarıalanǵan. Suraq jarıa bolyp ǵana qoımaı, suraǵyna qaraı maman nemese redaksıadan keri baılanysqa shyǵyp bolǵan. Osydan-aq basylymnyń oqyrmanmen tyǵyz baılanysta bolǵanyn, tipti aıdarlar arnalǵanynan ańǵarýǵa bolady. Kez-kelgen dúnıeni erek qylatyn ol soǵan ǵana tán erekshelik. Sol sekildi árbir baspa óz aıdarymen, baǵdarymen erekshelenedi. Osy rette "Aq bosaǵany" 30 jyldyq mereıtoıymen shyn júrekten quttyqtaımyn. Eńbekterińiz aqtalyp, órkendep, óse berińizder!

---