InfoHub Logo

Gadjetterden túrli jelilerge kirip, eýropanyń etegine erip, bireýdiń qańsyǵyn tańsyq qylyp jatyrmyz. Sonyń birden bir dáleli týǵan kún ıesiniń betine tortty «bylsh» etkizip japsyrý. Kremin ústine, nandy denege japsyryp,  aıaqpen ezgileý ysyrapshyldyq bolmaı nemene!?

«Nandy qasterleýmiz kerek» degen sózder qur bos, seldir sózge aınaldy. Ashshy termen kelgen eńbekti aıaqqa taptaǵanymyz adamdyq qundylyǵymyzdan aıyrmaı ma?! Qazaq «Qudaı, mańdaıǵa jazbaı eshteńe bolmaıdy» deıdi. Bul Stalınniń sum saıasatynan bólek qudaıdyń bergen jazasy ma dep oılaımyn. Sebebi, baıyrǵy qazaq qonaǵyn qudaıyndaı qurmettep,  qudaıy qonaqqa mal atap, bas astyrtatyny ras. Qalǵan azyqtyń ysyrap bolýy, baı- baǵlandardyń astamshyldyǵy qudaıdyń bergen jazasy ma dersiz.

Álemde ekologıalyq daǵdarys bolyp, shekteýli bolyp jatqanda shashyp, tógilýdiń keregi ne?! Álemniń jas ári qaıyrshy memleketteri azyqqa zárý bolyp otyrǵany belgili. «Jaqsy aıtpaı, jaman joq» degen atam qazaq. Asyp- tasyp, tógip- shashyp júrgende 31 jylǵy jaǵdaı qaıtalanýyna kim kepil?!

Zamandastarymnyń arasynda birinen - biri qalmaı, nandy betke «japsyryp» aıaqqa ezý básekege aınalyp, zamanaýı dástúrge aınaldy. Elimizdiń atqa miner azamattary bul jaǵdaıǵa aýyzdyq salmasa, órshı túseri anyq. Qoǵamdaǵy bul dert adamdyq qasıetimizdi joǵaltady. Aınalamyzdaǵy taǵamǵa degen asta – tók astamshyldyq munymen aıaqtalmady.

Quranda «ysyrap etpe, ysyrap etýshiler sózsiz shaıtanǵa baýyr bolmaq» deıdi. Ashqa azyq bolǵan nandy aıaqqa taptap, shynydaı shashyp, taptaý rýhanı jadymyzdy jabyrqatyp, tómendeteni haq.

Aralbaı Kamshat Jánibekqyzy

Ál – Farabı atyndaǵy Qazaq ulttyq ýnıversıteti

Jýrnalısıka fakúlteti

---