InfoHub Logo

Týrızm – búkil álemdegi tabysy joǵary salalardyń biri bolyp sanalady. Týrızimniń eldegi halyqtyń turmysyn jaqsartýdaǵy, ekonomıkalyq qýatty arttyryp, jumyssyzdyqty azaıtýǵa degen tıgizetin úlesi erekshe zor. Qazaqstan Respýblıkasyn tabıǵaty keremet qalalar men qoryqtarǵa toly. Memleketemiz jer aýmaǵy boıynsha álem elderiniń arasynan 9 - oryndy alady. Sonaý keń-baıtaq jerdiń barlyǵy tabıǵatqa óte baı. Qazaqstannyń ár óńirinde týrısterdi baýrap alatyn tabıǵaty keremet jerler- taýlar, jazyq dalalar, ormandar, ózender men kólder bar. Arheologıa, tarıh jáne sáýlet eskertkishteri Qazaqstanda kóptep kezdesedi. Jalpy Qazaqstan aýmaǵynda 12 ulttyq tabıǵı park jáne 10 qoryq bar. Negizinen, elimizde týrıstik sala 20 – ǵasyrdan bastap paıda bolǵan. Sonymen qatar, Qazaqstan - emdik-saýyqtyrý týrızmi úshin de óte laıyqty bolyp sanalady. Onyń sebebi tabıǵı emdik resýrstardy belsendi qoldanýynda deı alamyz. Ystyq bulaqtar, emdik qasıeti bar batpaqtar, klımat sekildi resýrstar arqyly keńinen tanylǵan. Qazaqstanda qymyz terapıasy, mıneraldy sýlardy paıdalaný qoldanylady. Sonymen birge zamanaýı qurylǵylarmen jabdyqtalǵan shıpajaılar bar. Qazaqstan Dúnıe júzi týrısik uıymynyń músheligine 1993 jyly engen bolatyn. Jalpy týrızimniń salalary kóp bolyp sanalady. Qazaqstanda týrızmniń barlyq túrin damytýǵa jaǵdaı tolyǵymen qamtamasyz etilgen. Qazaqstannyń ár óńiriniń aýa raıy bir-birinen ózgeshe bolyp keledi jáne bul jaǵdaı  Qazaqstanda jyl boıy týrızm sharýashylyǵyn júrgizýge óte tıimdi. Qazaqstan aýmaǵynda Býrabaı, Baıanaýyl, Marqakól, Katonqaraǵaı, Qarqaraly, Alataý, Han Táńiri baýraıy, Túlkibas, Sharyn shatqaly, Saq qorǵany, Mańǵystaý túbegi sıaqty ǵajaıyp jerler de, Qoja Ahmet Iasaýı kesenesi, Aısha bıbi, Arystan bab kesenesi sıaqty tarıhı muralary da kóp. Shyńǵa shyqqysy keletin nemese taýǵa órmeleýdi qalaıtyn týrısterdi qamtamasyz etýge Qazaqstannyń múmkindigi mol. Mádenıet, salt-dástúr turǵysynan, qazaq ultynyń baı salt-sanasymen, dástúrimen, ulttyq oıyndarymen de qonaqtarǵa keremet áser qaldyrýǵa bolady. Alaıda Qazaqstanda týrızm salasy laıyqty damý deńgeıine jete almaı otyr. Úkimet basshylary týrızmdi damytýdyń túrli josparyn jasaǵanymen, elimizdegi týrısik oryndardyń birazynyń jaǵdaıy asa keremet emes. Sonymen qatar, elimizde saıahatshylarǵa týrısik oryndardy tanystyratyn maǵlumattar kóp emes. Jalpy alǵanda halqymyzdyń azamattary kóbinese ishki týrızimdi qoldamaıdy. Barynsha shet elge shyǵyp demalǵandy durys dep esepteıdi. Munyń ózi týrızimniń asa damymaýyna úlken sebep bolyp tabylady.

---