InfoHub Logo

Ýaqytymyzdy jaqsy ótkizip, sheber aspazdar jasaǵan dámdi taǵamdardan dám tatý úshin meıramhanaǵa nemese kafege kirgen kezde ózimiz tapsyrys bergen taǵamdardyń sapaly áli jańa pisken ekenine senimdi bolǵymyz keledi. 

Biz dámin kórip, kóńilimiz qalmas úshin álemniń eń úzdik aspazdarynyń aıtýynsha meıramhanalarda tapsyrys berýge bolmaıtyn taǵamdardyń tizimin jasap shyqtyq.

Jaqsylap turyp qýyrylǵan steık

Amerıkalyq bas aspaz Entonı Býrden (Anthony Bourdain) aspaz qatty, jaramsyz degen ettiń bárin tastaı salýy múmkin....nemese jaqsylap qýyrylǵan steıkke saqtap qoıýy múmkin deıdi.

Albyrt qosylǵan sýshı

Bizdiń albyrt qosylǵan sýshıler men rolldardy unatatyndarǵa jaǵymsyz jańalyǵymyz bar. Bas aspaz Henk Skrempton (Hank Scrampton) tushshy sýdan aýlanǵan albyrttan jasalǵan taǵamdarǵa jolamaǵan jón deıdi. Óıtkeni olar parazıtterdiń jaıly mekeni. Biraq, artyq baıbalam salýdyń keregi de joq: balyqty muzdatý ádisi parazıtterdiń kózin joıady. «Sýshıler men rolldarǵa arnalǵan balyqtardyń barlyǵy derlik osyndaı óńdeýden ótedi. Bul óte jaqsy», -dep esepteıdi bas aspaz.

Biraq, sonda da kúdikten aryla almasańyz, onda taǵamnyń qandaı balyqtan daıyndalǵanyn suraǵanyńyz artyq bolmaıdy.

Vegetarıandyq taǵamdar

Food Network Magazine jýrnaly AQSH-tyń bas aspazdaryna saýalnama júrgizdi. Sonda suralǵandardyń 15 %-y meıramhanalardaǵy vegetarıandyq taǵamdardyń bul túsinikke múldem úılespeýi múmkin ekenin moıyndady. Eger siz vegetarıandyqty qatty ustanatyn bolsańyz, onda aspazǵa ózińizdiń ustanymyńyzdy qaıta-qaıta eskertýdi umytpańyz. Ári abaı bolyńyz, keıbir aspazdar sizdiń salatyńyzǵa azdaǵan týnes nemese shujyq aralastyryp jiberýi ábden múmkin. «Vegetarıandar men vegandar kez kelgen aspazdyń yǵyryn shyǵarady. Keıde solaı isteýge týra kelip ketedi», - dep moıyndaıdy  Entonı Býrden.

Aısberg salaty

Meıramhanada jumys isteıtin qyzmetkerler eshqashan da ózderine aısberg salatyna tapsyrys bermeıdi. Eń basty qaýip – salat japyraqtardyń dymqyl qýystaryna jaılanyp alatyn bakterıalardy jaqsy kóredi. Aısbergti mıkroorganızmderden tolyq aryltyp jýý múmkin emes. 

Nan

Úsh amerıkalyq bas aspaz Food Network Magazine jýrnalyna jelinbegen nan tilikteri ústelden ústelge aýysyp otyratynyn moıyndady. Árıne, ústelge aparmas buryn ony jaqsylap qyzdyryp alady. Biraq, ol jańa pisken nandaı qaıdan bolsyn?  

Dúısenbi kúngi balyq

Entonı Býrdenniń aıtýynsha, kóptegen meıramhanalar balyqty demalys kúnderiniń aldynda – beısenbide nemese jumada satyp alady. Al demalys kúnderi ádette balyq bazarlary jabyq bolady. Al jańa aýlanǵan balyq úsh kúnge ǵana shydaıdy. Sondyqtan dúısenbi kúni siz turyp qalǵan balyqtan dám tatasyz nemese muzdatylǵan balyqty qanaǵat tutasyz.

Ýstrısalar

Teńiz taǵamdaryn ǵana ázirleıtin meıramhanalardan basqa jerden ýstrısaǵa tapsyrys bermeńiz. Turyp qalǵan ýstrısamen ońaı ýlanyp qalýǵa bolady. Sondyqtan, meıramhananyń ony senimdi adamdardan, balǵyn kúıinde alatynyna kóz jetkizińiz.

Mekemege «beıimdelmegen» taǵamdar

Nú-Iorktik bas aspaz Maıkl Armstrong (Michael Armstrong) meıramhananyń mamandanǵan taǵamyna ǵana tapsyrys berińizder dep keńes beredi: «Pısserıadan pastaǵa, al steıkhaýstan balyqqa tapsyrys berip, jaqsy taǵam kútpeńiz». Shynymen de, sırek tapsyrys beretin taǵamdardyń azyq-túligi meıramhana tońazytqyshynda uzaq jatyp qalýy múmkin. Turyp qalǵan azyqtan paıdaly taǵam jeımin deý bekershilik.

Sýretter: depositphotos, depositphotos, depositphotos Business Insider, Daily Mail, mashed, Food Network Magazine materıaldarynan daıyndalǵan.  

---