InfoHub Logo

Qostanaı oblysynda eki mektep lısenzıasyz jumys istegen, dep jazady QazAqparat tilshisi. Bul týraly oblystyq bilim salasyn baqylaý departamentiniń basshysy Oral Qappasov habarlaǵan.

Taran aýdany Smaılovsk orta mektebinde múlde lısenzıa bolmaǵan, al Qostanaı aýdany Altynsarın orta mektebinde jalpy orta bilim berý dárejesi boıynsha lısenzıaǵa qosymsha bolmaǵan.

«Taran aýdandyq sotynyń sheshimimen Smaılovsk orta mektebi ákimshilik jaýapkershilikke tartyldy, - dep málim etti Oral Qappasov. - Nátıjesinde mektep 100 aılyq eseptik kórsetkish kóleminde aıyppul tóledi».

Oblystyq bilim salasyn baqylaý departamentiniń basshysy Oral Qappasovtyń aıtýynsha, sońǵy 5 jylda óńirdegi mektep sany 10 paıyzǵa qysqarǵan: 55 bastaýysh jáne orta bilim berý mekemesi óz lısenzıasynyń jáne onyń qosymshasynyń toqtatylýyn ótinip ótinish jazǵan. 2 mekteptiń lısenzıasy sot sheshimimen toqtatylǵan. Olar: Fedorov aýdany Vladykın aýyly mektebi jáne Taran aýdany Smaılovsk orta mektebi.

---