InfoHub Logo

Kezinde qalyń qazaq eliniń aǵy men qarasyndaı bolǵan "Aıqap" jýrnaly men "Qazaq" gazetiniń baǵyty eki túrli bolǵanymen, negizgi túp maqsaty bir boldy. Shyrmaýyqtaı shyrmalǵan saıasattyń shyrmaýynda qalyp qoıǵan qarańǵy halqymyzdyń kózin ashý bolatyn. Aıqaptyqtardyń basty maqsaty eldiń qulaǵy men kózi bola bilý, jetkizý bolsa, qazaqtyqtar halyqqa jol siltep, tańdaý jasaý úshin úgit - nasıhat júrgize bildi. Degenmen, olar jıi aıtysyp otyrǵan. Eki basylymnyń aıtysqan sebepteriniń biri jer máselesi. Mysaly, "Aıqap" jýrnalynyń zıalylary qala bolýdy jaqtasa, "Qazaq" gazeti qala bolýdy qoldamady. Asylynda, bul eki túrli pikir, eki túrli usynys qazaq arasyndaǵy negizgi eki taptyń pikiri, múddesi edi. Munyń birinshisi qazaqtyń kedeıleri men jarly-jaqybaılarynyń pikiri, múddesi edi de, ekinshisi qazaqtyń iri baılarynyń pikiri, múddesi edi. Eki  túrli kózqaraspen bul basylymdar jurtymyzǵa taıaqtyń eki ushy bolytynyn, ıaǵnı, máseleni eki jaqty qaraý kerek ekenin nusqaǵandaı boldy. Bul óktem saıasattyń ókilettigine kúdik týdyrmaı, áreket etý bolatyn. "Eki basylym bir birimen araz bolǵan, nemese basylymdardyń basshylary bir - birin qoldamaǵan, jaqtyrmaǵan, arasy sýyq bolǵan" - degen syńarjaq pikirdi estip jatamyz. Biraq bul oıdan bolashaq urpaq aýlaq bolýymyz kerek. Ol da bolsa buljymas birlik deıtin asyl murattyń bir ustyny bola alady. Sebebi, saıyp kelgende qos basylymda qazaqtyń basyn tórge súırep, kemel keleshigimizdiń táýelsiz kúnderi úshin shybyn janyn qıyp, ter tókti. "Aıqap" jýrnalynyń basshysy  M.Seralın men "Qazaq" gazetiniń negizin qalaýshy A.Baıtursynov ta qazaqtyń mańdaıǵa bitken qos qanatty tulpary, alashtyń azýyndy arystary. Basylymdardyń basty shyndyǵynyń birsypyrasy qazaq eliniń muńy men zaryn eki túrli baǵytta jazdy. Bul ashshy shyndyq ǵasyrlarǵa jalǵasqan tarıh bolary haq. Sondyqtan, halqymyzǵa jol nusqaǵan basylymdardy qurmetteý qajet. 

Janel Ýalıhanqyzy

---