InfoHub Logo

Ázilbaı aýyryp emhanaǵa barsa kórshi úıde turatyn bir tanysy da aýrý kórsetkeli sonda júripti. Dáriger bir, aýrýlar kóp bolǵan sebepti Ázilbaıdyń da kezek kútýine týra kelipti.

Ázilbaı tanysynyń jaıyn surasa, uıqysy qashyp júrgenin aıtypty. Sóıtip otyrǵanda álgi tanysynyń kezegi kelipti de dárigerdiń janyna baryp bir ýys taza maqta surap alypty. Dárigerge kórinip dári almaı, maqta surap alǵanyn kórgen Ázilbaı:

— Muny qaıtesiń? — dep surapty.

— Jaqynda bireý maǵan: «uıqy dárisin kóp ishpe, asqazanyńa zıan, onan da biraz maqta taýyp uıyqtarda eki qulaǵyń- nyń tesigin myqtap bekitip alsań, uıqyń jaqsy bolady» degen edi, soǵan aldym, — depti.

— Mynaýyń, árıne, jaqsy em eken, — depti Ázilbaı, — biraq muny basqalarǵa albaty aıtýshy bolma.

— Nege? — depti álgi tanysy tań qalyp. Sonda Ázilbaı aýzyn onyń qulaǵyna jaqyndatyp:

— Túnde úıińe ury kirýi ǵajap emes qoı, — degen eken sybyrlap.

 

---