InfoHub Logo

.. Sovet ókimetiniń alǵashqy jyldarynda burynǵy Atbasar ýezi terıtorıasyndaǵy elderdi qyzmet babymen araladym. Sol kezde kóp jasaǵan, kópti kórgen, estigenin umytpaıtyn, tili oramdy qarttarmen tanysyp, olardyń túrli taqyryptaǵy áńgimelerine qulaq qoıdym. Batyr atamyz Báýkeńniń (Báýbek Bekmyrzauly) semá quramy jaıynda óz aýzynan estigen áńgimesin qarttar bylaısha baıandady.

«Tórt nekeli boldym,—depti batyr,—úlken áıelimdi sheshem áperdi, ekinshisin—ákem, úshinshisin—tóre áperdi. Tórtinshi áıelim—qazirgi toqalymdy ózim kórip, tańdap aldym. Alǵashqy úsh áıelden týǵan balalarym maǵan tek syrtqy symbaty, bet ajary jaǵynan ǵana uqsaıdy, al minez-qulyq, júris-turys, oı órisi jaǵynan bári de naǵashylaryna tartty. Bul turǵydan qaraǵanda, bala uzaq ýaqyt qursaqta kótergen, týǵannan keıin tún uıqysyn tórt bólip, jarǵaq qulaǵy jastyqqa tımeı mápelep ósirgen anasyna tartady eken degen qorytyndyǵa keldim..».

---