InfoHub Logo

Taqyryby: «Balaǵa jylýlyq syıla»
Maqsaty:Balalardyń «meıirimdilik», «qaıyrymdylyq» qundylyqtary týraly túsinikterin keńeıtý.
Mindetteri:
- meıirimdiliktiń adam ómirindegi mańyzyn túsindirý;
- meıirbandylyqqa tárbıeleý.

Áńgimelesý
- Meıirimdilikti qalaı kórsetýge bolady?
- Ózderińe meıirimdilik kórsetken kezde qandaı sezimde boldyńdar?

Mátinmen jumys «Sary taýyq pen balapandary» M.Tórejanov

Kúzdiń bir kúni sary taýyq balapandaryn ertip, aýyldan uzap ketken. Aıaq astynan jańbyr quıyp ketti. Sýyq jańbyrdyń astynda qalǵan sary taýyq balapandaryn qansha asyqsa da mekenine jetkize alatyn emes.
Óıtkeni balapandarynyń jyly júni áli shyqpaǵan balǵyn jas edi.Sary taýyq qatty sasty. Shójelerin qos qanatynyń astyna alyp, baýyryna basty. Bir balapany syımaı syrtta qaldy. Ana aıla jasap, balapandaryn kezektestirip bir-birden tysta ustap, tońa bastaǵanda baýyryna alyp otyrdy. Kezek eń kenjesine kelgende ana ony syrtqa shyǵarmady.
- Ony nege shyǵarmaısyz?- dep surady bir aq balapan.
- Ol tym jas.
- Jas bolsa qaıtedi? Kezegi kelgende ol da shyqsyn.
- Syrqattanyp qalady.Kishimizge ózgemiz qamqorshy bolýymyz kerek emes pe ?Káne, munyń ornyna kim barady?- dep surady anasy.
- Men,-dedi tuńǵyshy.
- Men baraıyn?-dedi oǵan tetelesi.
- Kezekti maǵan berińiz!-dedi odan kishisi.
- Men qalam ba sonda?-dedi alǵashqy qarsylyq bildirgen balapan.
- Qatesin túsingen seniń barǵanyń jón!- dedi sary taýyq balapanda tysqa qaraı ysyryp.
- Sary taýyq sý ótip qatty jaýrady. Biraq balapandaryn tońdyrǵan joq. Balaǵa degen ystyq mahabbatymen jylytyp, saqtap qaldy.
Kún ashylyp, ana júregindeı jadyrady.

Pikirlesý
- Sary taýyq óz balpandaryn qandaı jaqsy qasıetterge baýlydy?
- Sary taýyq óz analyq meıirimin qalaı kórsete bildi?
- «Kún ashylyp, ana júregindeı jadyrady» degendi qalaı túsinesińder?
- Sender bireýge meıirimdilik tanytqan kezde qandaı sezimge bólendińder?

Oıyn «Meıirimdi júrek»
Sharty: Balara úlken sheńber quryp otyrady.Oıyn bastaýshy júreksheni ustap turyp:
«Balardyń meıirbandyq júregi,
Adamdarǵa baqyt, shattyq tiledi», - dep aıtady.
Basqa balalar da osy óleń joldaryn qaıtalap, qasyndaǵy kórshisine onyń jaqsy qasıetterin bilidiretin jyly sózder aıtady.( Sen meıirimdisiń! Sen kishipeıilsiń! Sen ádemisiń! Sen qaıyrymdysyń!)

Jańa aqparat
«Meıirimdilik» ― adamdar bir-brine jyly sezimin bildirip, tek jaqsylyq oılaý, ıgilik jasaý arqyly meıirimdilik tanyta alý.

Tapsyrma
«Meıirimdilik» kestesin qurý

Meıirimdi ister Meıirimdi adamnyń qasıetteri

Qorytyndylaý, júrekten-júrekke
- Kúlimdegen kún meıirimdi!
- Kirshiksiz aq qar meıirimdi!
- Taza móldir sý meıirimdi!
- Bárimizdi kóterip turǵan jer meıirimdi!
- Aıaýly anam meıirimdi!
- Qadirli ákem meıirimdi!
- Álpeshtegen ájem meıirimdi!
- Erkeletken atam meıirimdi!
- Jyly júzdi ustazym meıirimdi!
- Tatý-tátti dostarym meıirimdi!