InfoHub Logo

Taqyryby: «Aınalaıyn, ana, merekeńizben!»
Maqsaty:analar men ájelerdi, qyzdardy halyqaralyq 8-naýryz mereksimen quttyqtaý.
Kórneki quraldar: plakat, shar, sózder, magnıtofon.

1-júrgizýshi:
Qýanyshy balanyń-
Qýanyshy ananyń.
2-júrgizýshi:
Qýanyshy ananyń-
Qýanyshy balanyń.
1-júrgizýshi:
Bizdi ósirgen anashym,
Eńbegiń de zor eken.
2-júrgizýshi:
Qutty bolsyn, anashym,
Qutty bolsyn merekeń!

Hor :»Quttyqtaımyn, ana, týǵan kúnińmen!»

1.Jan anam, quttyqtaımyn, meıramyńmen,
Kóktemniń qulpyra ber nart gúlimen.
Órlesem eliń bergen baqyt baǵyń,
Jazbasyn shat kóńiliń, shat kúıinen.

2.Bala, bala, bala dep,
Túnde shoshyp oıanǵan;
Tún uıqysyn tórt bólip,
Túnde besik taıanǵan;

Aıaly qoldy talpyntqan,
Qaımaqty sútteı qalqytqan;
Sýyq bolsa jórgegin,
Qorǵasyndaı balqytqan;

Aınalasyna as qoıyp,
Izendi kóldeı shalqytqan;
Qolyn qatty tıgizbeı,
Kirli kóılek kıgizbeı,
Iisin jupar ańqytqan
Bul kim?
Bári: - Ana

3. Sózderdi eń aıaýly,
Jaqsy kórip jattadym.
Endi bildim olardy
Kimniń oılap tapqanyn.
«Ana» degen sózdi de,
«Aǵa» degen sózdi de,
«Áke» degen sózdi de,
«Táte» degen sózdi de,
«Ata» degen sózdi de,
«Apa» degen sózdi de, -
Oılap tapqan balalar!
«Janym, kúnim» degendi,
«Qulynshaǵym» degendi,
«Botaqanym» degendi,
«Qoshaqanym» degendi,
«Aınalaıyn» degendi,
«Tolǵan aıym» degendi,
Oılap tapqan analar!

4.Anam meni: «Aıym» - deıdi,
Men muńaısam, ýaıym jeıdi,
Anam meni: «Kúnim» - deıdi,
Men qýansam, kúlimdeıdi.

Án «Aq mamam»

5. Álemdegi aqyldy adam,
Bárinen sol jaqyn maǵan!
Ol janymda júrse ,men de,
Batyrlarsha batyldanam.

6. Mápeleısiń meni, anam,
Qolyńdaǵy qusyńdaı.
Qulpyra ósip dem alam,
Qushaǵyńda qajymaı.
7. «Kúnim»,- deısiń meni,
Kún meıiri sende.
Kúnniń ystyq lebi,
Qushaǵyńa teń be?
Aınalaıyn ,ana! (birge)

8. «Janym»,- deısiń meni,
Jaratýshym bir sen.
Jalǵyz óziń tegi,
Janashyrym bilseń.
Aınalaıyn ,ana! (birge)

9. «Qulynym», - dep meni,
Quraq ushtyń dáıim.
Qamqorshym-aý, seni
Qalaı umytaıyn.
Aınalaıyn ,ana! (birge)

10. Taýsylmaıdy óleńi,
Kúnde aıtyp beredi.
Barǵan saıyn bir jaqqa
Kámpıt alyp keledi.
Ájem meni, óıtkeni,
Óte jaqsy kóredi.

Sahnalyq kórinis
«Ájesi men Baǵlan» Qabdikárim Ydyrysov.

- Júregim kim meniń?
- Men!
- Tiregim kim meniń?
- Men!
- Sánim kim meniń?
- Men!
- Botaqanym, baǵlan qozym,
Ne degen tátti balasyń óziń!
Oı, qarǵam meniń!
- Joq, áje, qarǵań men emes!
Jo... joq, qarǵa bolmaımyn,
Keregi joq ondaıdyń.
Qarǵa «qarq-qarq» etedi,
Alysqa ushyp ketedi.
Qasyńda bop árdaıym,
Men eshqaıda barmaımyn.

1-júrgizýshi:
Bolar kúnde alań,
Janashyr kim saǵan?
Bári:Anam

2-júrgizýshi:
Bolsań eger jaman,
Keııtin kim saǵan?
Bári:Anam

1-júrgizýshi:
Tań qalǵandaı ǵalam,
Kim eń sulý adam?
Bári:Anam

2-júrgizýshi:
«Botashym» der saǵan,
Kim súıikti adam?
Bári:Anam

11. Jamandyqtan saqtandyryp,
Jaqsy isimdi maqtan qylyp.
Mápelelegen aq mamamdy,
Júrsem deımin shattandyryp.

12.Erkelesem, kúlimdeıtin,
Urysqany bilinbeıtin.
Mańdaıymnan ıiskep meniń,
«Qulynshaǵym, kúnim», - deıtin.


13. Aınalaıyn, anashym,
Kókte nur bop janasyń.
Et júregiń eljirep,
Qushaǵyńa alasyń.

14. Aınalaıyn, anashym,
Aıalaısyń, baǵasyń.
Meniń úshin ne kerek –
Bárin izdep tabasyń.

15. Kóktemde kóńildi,
Qustar kep jatqanda.
Qulpyrtyp óńirdi,
Gúl ektik baqtarǵa.

16. Gúl ektik aýlaǵa,
Kóktemde kóńildi.
Baqta da, baýda da,
Aq gúlder órildi.

Án «Anashym»

1-júrgizýshi:
Sen jalyqpaı jetektep,
Men jattyǵa jetermin.
Aıtqanyńdy eki etpeı
Aq sútińdi aqtarmyn.
2-júrgizýshi:
Kórsetemin kúlli eldi,
Jaryq etem túnderdi.
Ósirip men syılaımyn
Jurt kórmegen gúlderdi,- deı otyryp 8-naýryz merekesine arnalǵan konsertimizdi aıaqtaýǵa ruqsat etińizder.

Bári:
Bári jaqsy ananyń,
Bári de onyń kerek-aý...
Biraq árbir balanyń
Óz anasy bólek-aý!