InfoHub Logo

20 ǵasyrda halyq arasynda saýatsyzdyqty joıý jolynda qazaq baspasóziniń eńbegi óte zor bolǵany barshamyzǵa málim. Osy qazaq baspasóziniń eń úlken jetistigi balalarǵa arnalǵan basylymdar boldy. Eldiń bolashaǵy -  jastar, al osy jastardyń oı sanasyn qalyptastyrýda balalarǵa arnalǵan basylymdardyń aldynda úlken maqsat, moınynda úlken mindet turǵan bolatyn.

Qaı nársenińde bastaýy myqty bolsa, bolashaǵy jarqyn bolar. Al balalarǵa arnalǵan basylymdardyń bastaýynda "Pıoner" jýrnaly tur. 1925 jyly Erǵalı Aldońǵarovtyń basshylyq etiýimen Orynbor qalasynda qazaqtyń tuńǵysh balalar jýrnaly "Pıonerdiń" alǵashqy sany jaryq kórdi. Eldegi oryn alǵan jaǵdaılarǵa qaraı ataýy jıi aýysqan "Pıoner" jýrnaly táýelsizdik alǵan jyldan beri "Aq jelken" degen ataýmen shyǵyp keledi. Jýrnaldań alǵashqy sandarynan-aq ádebıet alyptary B.Maılın, İ.Jansúgirov, M.Áýezov, S.Muqanov, Ǵ.Músirepovter qyzmet etti. 1940-1941 jyldary Hasen Seıilhanov redaktorlyq etken kezeńde jýrnal balalardyń eńbekke aralasý jónindegi máselerdi kóptep qorǵady. Uly otan soǵysy jeńispen aıaqtalyp elde batyrlyq pen erlik jaıynda áńgimeler órlep jatqan tusta Tóken Ábdirahmanov, Serik Qırabaev myrzalar redaktorlyqta boldy. Osy 1946-1955 jyldary uly otan soǵysy jaıyndaǵy úlgi bolarlyq tulǵalardyń erlikterin balalarǵa jarıalap, olardyń týǵan jerge degen mahabbatyn arttyra túsip, erik, jiger berip otyrdy. Iaǵnı osy jyldarda Pıoner óziniń tárbıelik rólin minsiz atqardy.

Qazirde elimizde balalar basylymdary óz mindetterin oıdaǵydaı atqaryp, bilimdi, aqyldy urpaq tárbıeleýde. 

Aıgólek balalar jýrnaly osy jolda 20 jyldan astam ýaqyt qyzmet etip keledi. 32 betten turatyn jýrnal balalardy keremet aıdarlarymen qyzyqtyryp, tanym kókjıegin arttyrýda. "Qazaǵymnyń sózderi-aı" aıdarynda sheshendik sózder men uly tulǵalardyń danalyqtary baıandalsa, "Balalarǵa bazarlyq" aıdarynda Aısa Hamzeuly men Qámıla Qudabaevanyń "Aǵattyq" "Aǵam jaqsy eken aý" degen sekildi tártipke, dostyqqa shaqyratyn maqalalar jarıalanyp otyrady. Oıyn balasy úshin "Qyr-syry mol dúnıe" aıdarynyń paıdasy óte zor deıdi ata-analar. Álemniń tórt túkpirinde bolyp jatqan ǵylymı, ádebı maqalalarmen  jas búldirshinderdiń bilimge degen qyzyǵýshylyǵyn arttyrady. 

Aqparattyń qaryshtap turǵan zamanynda ómirden beıhabar balanyń alǵashqy bilimin qaıdan alatyny mańyzdy. Alystan ǵalamtor sharlap aqparat izdegenshe, İ.Jansúgirov, M.Áýezov, S,Muqanovtardan bastaý alǵan qolda bar altyndy baǵalaıyq.

---