InfoHub Logo

El kezip, birge tústenip, birge qonyp júre berý Kúseptiń belgili ádeti. Taǵy birde bir úıge kelip qona qaldy. Úı ıesi jolaýshylap ketipti. Meımannyń tıisti qonaqasyn berdi de, úı ıesi jas áıel qonaǵyn tórge jatqyzyp, ózi shymyldyq ishine kirdi.

Tún ortasy aýyp, shyrt uıqyda jatqan kezde Kúsep áldeneden shoshyp oıanǵandaı boldy. Shymyldyq ishinen kúbirlegen dybys estildi. Úı ıesi kelgen bolar degen oımen únsiz jata berdi. Bir mezgilde kóńildi, qoshametti eki ún jalǵasa shyqty.

— Men seni janymdaı jaqsy kóremin, — deıdi erkek úni.

— Shyn súıetindigińe seneıin, meni osy tósekten túsirmeı tosyp, ájetke otyrǵyzshy! — degen jińishke áıel úni estildi.

Aıtylýy-aq muń eken, áıel tilegi oryndaldy. Bıik tósek aǵash ústinen shoryldaǵan dybys shyqty da, jerdegi qańyltyr shilápshinge suıyq zat quıyldy.

— Aý, baıqańdar, tuzdyǵyń tógildi ǵoı, — dep qaldy tórdegi qonaq.

Budan uıalyp qysylǵan jigittiń býyny bosap ketti de, áıel sylq etip shilápshinge qulady.

Áıel qatty aýyryp jatyr. Kúıeýi keldi.

— Kóldeneńnen kezdesken kók atty bolarsyz. Myna áıeldiń syrqaty qandaı syrqat, qandaı em kerek? — dedi qonaǵyna.

Kúsep qý bilmeımin degen joq. Qolyna dombyra alyp, bezildetip tartty da, basqa adamdar anyq estı almastaı kúmbirlete, sarnaı jóneldi. Áıelge tónip baryp:

— Jazyl, tez jazyl! Jazylsań, úıime qaıtamyn, jazylmasań, baıyńa aıtamyn! — dedi.

Bul sózdi úıdegiler uǵynǵan joq. Áıel dereý basyn kóterip, kúıeýine jazylyp qalǵanyn aıtty. Qandaı syrqat ekenin tapqan balger, ony emdep jazǵan táýip laıyqty syılyqpen attandy.

---