InfoHub Logo

Taǵy bir jyly ańqaý soǵymǵa jylqy alǵaly bazarǵa barady. Kóp jylqynyń ishinen, bir órkeshi joq túıedeı, qara bıe ańqaýǵa semiz de, tolyq ta kórinedi.

Sol jerden maldy jete tanıtyn baıaǵy aılaker dosy da kezdese ketedi.

— Aý, dostym! Jaqsy kezdestiń-aý. Bul joly jolym bolady eken. Mal tanymaýshy edim ǵoı. Myna bir qara bıeni alǵaly tur edim. Osyny jaqsylap kórip bershi, — deıdi ańqaý.

— Iá, muny oılanbaı-aq ala ber. Óziń de mal tanyp qalypsyń ǵoı. Semiz, nán semiz, — deıdi aılaker jymyńdap.

Onyń sózine qatyqtaı uıyǵan, aqkóńil ańqaý qýanyp ketedi. Jalma-jan bazardan ala jónelip, úıine ákelip jyǵyp ta jiberedi. Qara bıeni soıyp qarasa ári bes aılyq qulyny bar býaz, ári laqsa kári, óte aryq bolyp shyǵady.

 

---