InfoHub Logo

Qurmanǵazy Jem boıynan qaıtyp kele jatyp bir qarasha úıge túsedi. Úı japan dalada jalǵyz bolady. Úıdiń qasynda bir saýly ingen bozdap júredi. Qurmanǵazy úıge kirgende, bir boıjetken qyz ıbamen sálemdesedi. Kúıshi alystan kele jatqan jolaýshy ekenin, qatty shóldegenin aıtady. Qyz jalma-jan mosy aǵashyn kóterip, kúıe basqan qara sháınekti asyp, ot jaǵady. Shaıy qaınaǵansha dalada júrgen ingendi kós-kóstep shaqyryp alyp, saýady. İngen sútin quıyp qyzdyń bergen shaıy Qurmanǵazyǵa asa unaıdy. Shóldep kelgen jolaýshy bir ózi bir sháınek eńseredi. Ábden ózine-ózi kelgensin Qurmanǵazy qolyna dombyrasyn alady. Qyz da qonaǵynyń tynyǵa bastaǵanyn bilip, endi bir taza aýa jutsyn degendeı irgeniń kóleńke jaǵyn túredi. Qurmanǵazy kúı shertedi. Aıaqtap bolǵan kezde qyzǵa qarap: «Sizdiń bergen shaıyńyz ánsheıin shaı emes, maǵan balqaımaqtaı boldy. Osy kúıimdi sizge arnadym. Baldan tátti shaı bergenińiz úshin kúıdiń atyn «Balqaımaq» qoıdym», — deıdi.

 

---