InfoHub Logo

Aıtpasa sózdiń atasy óledi. Tarıh dese emeshegi ezilip, ishi jylı qoıatyndar kóp emes. Qazirde qazaqsha bıznesti dáripteıtin biraz kitaptar jaryq kórgen oǵan suranysta joq emes. Baıysyn, óssin, kórsin, qazaqtyń ár azamaty baıysa olda bir qýanysh. Kún kórgenniń kúni ashyq. Endi osy bıznes kitaptaryn jarnamalap júrgen aǵalar kishkene tarıhı, ádebı kitaptardy da jarnamalasa. Bıznes kitaptaryn qaramasamda ondaǵy jazylǵandar beseneden belgili sıaqty: qaıtsem ósem, qalaı baı bolam, qalaı jetem degendi úıretetindeı kórinedi. Ol tek jeke bastyń damýy bolyp qalatyndaı. Al tarıhymyzdy, sal-dástúrimizben ata jolyn dáriptegen kitaptar qaıda qaldy? Tek jeke bastyń emes ulttyń, eldiń múddesin oılaıtyn, rýhanı-adamı qundylyqtardy sanasyna sińdiretin, erteńgi eldiń eńsesi bıik, tekti bolyp ósýi úshin tarıhı ádebı kitaptardyń orasan orny bar. Keshegi ótken tekti tulǵalardy, olardyń eli úshin jasaǵan eren eńbegin, qaıtsem Qazaqqa paıdam tıedi, qaıtkende asyǵy alshysynan túsedi dep tek jeke basyn emes elin-jurtyn, halqyn oılaǵan babalarymyzdy tek sol kitap arqyly tanımyz. Qazirde Qabanbaı men Bógenbaıdy tanymaıtyn balanyń bári Sýpermen, Betmenǵa eliktep ósýi de rýhanı shóldegen urpaqtyń kórinisi. Bir memlekettiń astanasy Tashkent keshegige deıin Qazaqtyńki bolǵan dese senbeıtinde shyǵar qazirgi jastar. Peıiline qaraı patshasy, rýhanı qundylyqtan aıyrylmasaq Qudaı bizge beredi nesibeni. Sol rýhanı qundylyq- bilimde ol úshin oqý kerek. Sanasy bar ár pende óz tarıhyn bilýge mindetti.

Óz jyrtyǵymyzdy ózimiz jamamasaq
Óz joǵymyzdy ózimiz joqtamasaq eshkimniń qazaqqa jany ashymaıdy

Qazaqqa bul kúnde ánshi- bıshi, ártistiń keregi joq  qazaqqa bilim kerek- ilim kerek, ǵylym kerek- ǵalym kerek,  qazaqqa qazir rýhanı qundylyq kerek, #quran kerek

Taıynda taptap
Qunanynda baptap
Dóneninde dóńge sap
Besinde báıgege qos, al sodan báıgeden buryn kelmese basymdy kes, ár balany osylaı tárbıelesek el úshin etken eńbegimiz esh bolmaıdy

El úshin qyzmet etsek ultqa qyzmet etsek keshegi babalarymyzdyń  izbasary degen atqa laıyqty bolǵanymyz.

Qandaı da bir dúnıe adamǵa eki nárseden týyndaıdy
1 qajettilikten
2 básekelestikten
Jurttan qalmaıyn degen oımen básekelestik beleń alǵan ýaqytta rýhanıattyń qajettiligin umytyp, sezinbeı qalamyz. Órkenıettiń damýy úshin qundylyqtardy qurbandyqqa shalýdyń qajeti joq, oǵan bizdiń quqyǵymyz da joq. S.Toraıǵyrov aǵamyzdyń jyr shýmaǵynda aıtady:
Qarańǵy qazaq kógine
Órmelep shyǵyp kún bolam
Qarańǵylyqtyń kegine
Kún bolmaǵanda kim bolam.
Ár balanyń ómirlik uranyna aınaldyra alsaq erteńgi eldiń týyn qulatpaıtyn naǵyz azamattar men azamatshalardy dúnıege ákelerimiz sózsiz. Búgini men qaryn qamyn oılaıtyn emes erteńi úshin alańdap bolashaǵyn boljaı biletin óskeleń urpaq qalyptastyryp shyǵý úshin balaǵa tek bala retinde emes eldiń erteńi, ulttyń bolashyǵy retinde qarap, tulǵa qalyptastyrýmyz qajet. Ol úshin bilim ǵana emes ulttyq qundylyqtarymyzdy qosa sanasyna sińdirýimiz tıis. Din- árkimniń óz aqyreti úshin, al el úshin, ult úshin qyzmet etý ol barshamyzdyń otan aldyndaǵy paryzymyz.

(s) Joldas Erbol Qojahmetuly 

---