InfoHub Logo

— Taǵy da iship keldiń be?

— Tiri kelgenime raqmet aıt!

— Osy saǵan ne jetpeıdi?

— Qan ishkim keledi de turady.

— Endi soǵan mastarǵa barý kerek pe?

— Naǵyz jaqsy adamdar solar ǵoı. Eń shynaıy, ótirigi joq. Mastar maska kımeıdi.

— Qoısańshy, áıel basyńmen bulaı júrgen jaraspaıdy ǵoı...

— Basynda mıy azdardyń ýaıymdary da kishkentaı, sol úshin olar ishkilikke jıirkenishpen qaraıdy. İshkenniń onnan biri ǵana bul jolǵa jaı qyzyǵýshylyqpen túsken. Qalǵany basyndaǵy oılaryn kótere almaı, kelgen.

— Endi onyń ne qatysy bar?

— Sen balalaryńnyń aqyldy bolýyn qalaısyń ǵoı.

— Sońǵy kezde seni túsinýden qaldym.

— Ol meniń tańdaýym.

— Men sennen ketetin shyǵarmyn.

— Ol seniń tańdaýyń.

— Saǵan báribir me?

— Masqa ne kerek?! Kóńili tynysh bolsa jetkilikti.

— Sen túsinshi, biz sary aıaq Masamyz! Sen bulaı ishkenderdiń qanyn soryp júrgende bireý seni myjyp qoısa, bittiń. Sen ǵana emes, meniń otbasymnyń kúli kókke ushady.

— Endi sen de túsinseńshi. Saý adamdarǵa barsam, olar túrli joldarmen meni óltirýdi oılastyryp qoıǵan. Sasyq ıis taratatyn aparattarynan bastap, shań sorǵyshpen soryp óltirýge sheıin barady. Mas adamdar qanyn iship jatqanyńdy da bilmeıdi jáne ol aqyldy bolsa, erteń bizdiń balalarymyzda túrli aılamen ómir súrýge beıim bolyp týylady. Bári de "BİZ" úshin.

— Búginen bastap eshqandaı «BİZ» joq. Az ómirimdi ishkenine de syltaý tabatyn masaǵa jumsaǵym kelmeıdi.

— Esikke jol nusqaıyn desem, ol da joq. Ushqanda jel joldasyń bolsyn!

---