InfoHub Logo

Burynǵy ótken zamanda bir shal, kempir jáne bir qyzy bolypty. Bulardyń mal degende bes-alty eshkisi bolǵan. Ár kúni shal eshkisin baǵyp júrip, uıyqtap qalyp, qasqyr shaldyń eshkilerin jataq jerine qýyp ketedi. Shal uıqydan turyp qarasa, eshkileri joq. Sonan izine túsip otyryp, bir inge keledi. Shal qasqyrdyń inge ákelip kirgizgenin biletin, qasqyrdy ustap almaqshy bolyp, inniń aýzynda qapty qolyna alyp, ańdyp turady. Birazdan soń qasqyr innen shyǵa bergen ýaqytta qasqyrdy qapqa salyp alyp, aýlyna qaıtady. Óz úıine jete almaı, jolda bir baıdyń úıine kelip, qonady, úıge kirgennen arqasyndaǵy qapty keregeniń basyna ildirip qoıady. Bir ýaqyttan keıin baı suraıdy shaldan «qabyńyzdaǵy ne?» — dep.

Shal aıtady:

— Qaptaǵy tuqymy asyl bir kók qoshqar edi, — deıdi.

Baı:

— Qoshqaryńdy maǵan sat, — deıdi.

Shal:

— Jaqsy, sataıyn. Bálenshe tildá berseń, — deıdi. Baı suraǵanyn berip, alady.

— Muny endi qaptan shyǵaryp, qoıǵa jibereıik, — dese,

— Joq, qazir jiberýge bolmaıdy. Adam tegis jatqannan keıin jiberý kerek, — deıdi.

— Maqul, — dep, el tegis jatqannan keıin qoraǵa jiberedi. Álgi qoraǵa jibergen «kók qoshqar» toqty menen qoılardyń bárin tamaqtap ketedi. Sonymen qatar bálenshe tildáni alyp, shal da joq bolady. Erteńgisin baı turyp, qorany qarasa, qoılarynyń kóbi teńkıip-teńkıip, ólip jatqan. Endi baı oılasa, túndegi kók qoshqar emes, ol kók qasqyr eken. Baı, sóıtip, shaldan aldanyp qalǵan.

---