InfoHub Logo

Munan eki aıdaı buryn Qazaqstan Jer komısarıaty tóldi jaqsylap kútýge báıge jarıalap, báıgeniń sharttary da qoıylǵan bolatyn. Báıgeniń sharttaryn oryndaǵandarǵa báıge berilmegen de bolǵan. Dırektıvter jazyp oryndarǵa jiberdi de Jer komısarıaty jumǵan aýzyn ashpaı qoıdy. Sol jarıalanǵan báıgeniń barysyn eshkim bilmeıdi. Qaı kolhoz, qaı aýdannyń bul báıgege ushtasqany týraly bir japyraq aqpar joq. Byrdın joldas shynymen-aq: «Báıgeniń barysyn, oǵan kimniń ushtasqanyn báıgeniń qorytyndysy shyqqasyn ǵana aıtamyz... Tipti, qolym tıetin emes. Birqatardan beri Semeıdiń et kombınatynyń jumysynda otyrmyn. Báıgeniń srogy bitken kezde qorytyndysyn shyǵaryp, svodkany jasap senderge jiberýimizde sóz joq» — dep jylpyldaıdy, budan quıryqqa salady.

Jer komısarıaty báıgeni jarıalaýyn jarıalasa da sol báıgeniń srogynyń tez ótýine shydaıtyn emes. Báıgeniń qorytyndysyn shyǵarýǵa qumar-aq.

Jaqynda taǵy da mal azyǵynyń qoryn jasaýǵa báıge jarıalandy. Báıge jarıalanýda birqatary basyn kóterdi de, mal sharýashylyq sektory burynǵy qalpyna tústi. Burynǵy oryn, qym-qıǵash otyrys. Shtab oqıdy, qaǵaz jazady, bir — birine qatynas qaǵazdardy joldaıdy. Syrtynan qaraǵan adamǵa, qıratyp is istep jatqan sıaqty kórinedi.

Turmys bulardy kútetin emes. Bastalǵan is Jer komısarıatynyń mal sharýashylyq sektorynyń sasyǵan kabınetin attap jatqanyn ózderi bilmeıdi.

---