InfoHub Logo

Qazaqstan Jer komısarıatynyń mal sharýashylyq sektory ólkeden shóp orý, shóp súrleýdiń barysyn bilmeıdi. Munan birinshi kúni «eski svodkalardy» biledi. Bul sektordyń barlyq qyzmetshileri oblystan qashan «svodkalar» keledimen kózi talady. Oblystyq jer bólimderiniń qyzmetshileriniń jamandyǵyna kúlispedi. Biraq ne paıda, shynynda kimge kúıip-pisýdi bilmeıdi.

Jer komısarıatynyń mal sharýashylyq sektorynyń nachalnıgi Byrdın bylaı deıdi: «Kún kórip otyrǵanymyzdyń ózi tek qana svodka, aýdannyń hálderin bilýge eshbir múmkinshilik joq. Sebebi aýdandar óte qashyq. Sosyn, burynǵy basshylyqtyń qateligin de áser etken bolar. Ia, sóıtip svodkasyz túk aıta almaımyz. Bir burynnan jatqan svodkalar bar edi sony senderge bereıin. Onan birsypyra máseleni alýǵa bolady» — dep adamnyń asty-ústine túsip barady.

— Sóıtkenmen, shóp súrleýden ne bitedi?

— Hatshy, beri qaraı svodkany attandyrshy!

— Siz Ońtústik artta keledi deısiz, sol Ońtústiktiń artta qalýynyń sebebi ne?

— Maǵan svodkany bershi. Minekeı, sol Ońtústik Qazaqstanyńyz 240 OOO gektar shóp shapty. Ol jospar boıynsha 480. 200 gektar shópten shabýy kerek edi. Bul oblystyń artta qalýynyń sebebi — Ólkelik partıa komıtetiniń Goloshekınniń basshylyq jumysyndaǵy qatelikteriniń saldary, taǵy basqalar.

Shynyn aıtqanda, Jer komısarıaty shóp súrleýdiń barysyn bilmeıdi. Birsypyra oblystardyń nege artta qalyp otyrǵanyn bilmeıdi.

Óziniń qaǵazbastylyǵyn, ózderiniń tońmoıyndyqtaryn ólkelik partıa komıtetiniń eski basshylyǵynyń qateligimen búrkegisi keledi.

---