InfoHub Logo

Baımurat qart aýdan ortalyǵynan shetirek, Jem ózininiń boıynan qystaý salyp, jazy-qysy sonda nemerelerimen otyrady eken. Ózi sózge usta, jany jomart, kelim-ketimge dastarhany da mol, ınabatty, halyq syılaıtyn adam bolypty. Sol kisi aıtty degen 1-2 áńgime:

***

Soǵys aıaqtalar kez shamasynda bizdiń aýdanǵa Aýdandyq sovetke predsedatel bolyp bir kisi kelgen eken. Bir kúni álgi predsedatel Baımurattyń ataǵyn estip, sálemdesýge arnaıy izdep, úıine barady. Baımurat aqsaqal kelgen qonaqty jyly qabyldap, eshki soıyp, (ol kezde jeke adamǵa usaq jandyq bola bermeıdi) qonaqasy beredi. Kelgen qonaǵyna bar mázirin, joq jaıyn aıtyp, shyǵaryp salyp turǵanda qonaq qaıta-qaıta «rahmet» aıta beripti. Sonda Bákeń qart:

— Eshki soıyp bergende osynsha rahmet aıttyń, qoı soıyp bersem, úıden shyqpaıtyn ıttiń birisiń-aý, — dep, qonaqtyń shekten tys jalpyldaǵanyn jaratpaı qalypty.

***

Bákeń qartaıyp seksennen asyp qaıtys bolypty. Naýqasy janyna batyp óletin shaǵy taıanǵanda týǵan balalary, nemereleri qasynda bolypty. Alpysbaı degen balasy ákesiniń jaǵdaıy nasharlaǵan soń:

— Áke, jaman aıtpaı jaqsy joq, olaı-bulaı bolyp ketseń, qaı molaǵa qoıamyz?» — dep surapty. Atalarynyń qaýymy qashyǵyraqta bolsa kerek. Qınalyńqyrap jatqan Bákeń qart qaıratyn boıyna jıyp:

— Ne dep tursyń? Endi maǵan qaı mola qalyń berip, qatyn áperer deısiń, osy jerge qoıa sal, — depti.

---