InfoHub Logo

Shanshar elinde bir sarań baı bolypty. Sarań baı úıine barǵan adamdy jaqtyrmaı, tamaq berýge joq eken. Sol eldiń úsh jigiti «osy sarańǵa baryp, qaıtsek te tamaq ishemiz» dep bástesip, sarańnyń úıine keledi. Úı ıesi shal men kempir kelgen qonaqtardy jaqtyrmaı otyrady.

Kelgen qonaqtardyń ketpeıtindigin bilgendikten, olardan tez qutylý úshin shaı ákeledi. Bir tárelkege bir qasyq sary maı, bir ýys bıdaı, shaıy bolsa aqshaılap qalǵan eken. Sodan úsh jigitke shaı quıyp, kese usyndy. Sodan úsh jigit bylaı synaıdy. Birinshi jigit:

— Qaımaq quıǵan qarlyǵash shaıdan meniń júregim úrkip tur, — dep quıǵan kesesin áıelge ysyrady,

Ekinshi jigit:

— Tárelkedegi toltyryp salǵan sary maıdan meniń júregim kilkip tur, — dep shaı quıǵan kesesin kempirge ysyrady.

Úshinshi jigit:

— At dorbasy toly bolmaǵan soń bytyraǵan bıdaıdy shashyp, meniń atym at dorbasyn silkip tur, — dep bıdaıdy ysyryp kempirdiń aldyna qoıady.

Sodan úsheýi jata ketedi. Úı ıesi eriksiz tamaq asyp, olardy attandyrady.

---