InfoHub Logo

Beıimbet Maılın Qostanaı ýezine qarasty Dambar bolysyndaǵy Áıet ózeni boıyndaǵy Aqtóbe degen jerde týǵan. Jasynan ákesinen aıyrylyp, anasynyń tárbıesinde bolǵan. Baı esiginde júrip, beınet pen joqshylyqty kóp kórgen. Aýyl moldasynan hat tanyp, Troıskidegi «Ýázıfa», Ýfadaǵy «Ǵalıa» medresesinde oqyǵan.

Beıimbettiń shyǵarmalary — qazaq ómirin, kedeı turmysy men tirshiligin, aýyl adamdarynyń eńbek áreketterin beıneleıdi. Aqynnyń «Baıdyń qyzy», «Rázıa qyz», «Qashqan kelinshek», «Marjan» atty óleńderi áıel teńdigin, «Kempirdiń ertegisi» — 1916 jyl oqıǵasyn, «Bólis» — jer bólisin, «Ótirikke báıge», «Han kúıeýi» ertegi jelisi arqyly adam álemin sýretteıdi.

«Shuǵanyń belgisi» atty prozasynda dostyq, mahabbat sezimderi jáne osy joldaǵy kúrester kórsetiledi.

B.Maılınniń «Aýyl mektebi», «Jasyryn jıylys», «Qos qaqpan», «Amangeldi», «Bizdiń jigitter» jáne t.b. shyǵarmalarynda ómir talaptary jáne adamnyń taǵdyry qyzyqty da kórkem baıandalady. B.Maılınniń ádebı murasy baı mazmunymen, kórkemde sheberlik sıpattarymen qazaq ádebıetinde erekshe oryn alady.

Oqýǵa keńes beremiz:

Beıimbet Maılın shyǵarmalary

---