InfoHub Logo

Bilim qýǵan árbir túlektiń armanyna, maqsatyna aınalǵan ál-Farabı atyndaǵy Qazaq Ulttyq Ýnıversıtetinde bilim alý múmkindigi buıyrǵanyna, eń aldymen Allaǵa sansyz shúkir! Bilimniń qara shańyraǵyna aınalǵan, úzdikter úkilegen bilim ordasynda oqý men úshin maqtanysh! Osyndaı ózim armandaǵan bilim oshaǵynyń túlegi atanýǵa,boıymdy bilim nárimen sýsyndatqan Myrzataı orta mektebiniń ustazdar ujymyna óz alǵysymdy bildiremin.

Rasmen de, ár túlektiń júregine oıyp turarlyqtaı oryn alǵan, arman bolarlyqtaı,atyna zaty saı QazUÝ qalashyǵy meniń de júregimdi jaýlap aldy. Alǵash QazUÝ qalashyǵynyń tabaldyryǵyn attaǵan sátten-aq, men ózimniń jańa ómirge aıaq basqanymdy, taǵylymy tereń, bereri mol ortaǵa aralasa bastaǵanymdy sol kezden-aq sezindim.

Qara shańyraqqa bilim alýǵa kelgen árbir stýdentke kerek jaǵdaıdyń barlyǵy derlik jasalǵan. Mysaly, Ó. A. Joldasbekov atyndaǵy stýdentter saraıy, murajaı, tamaqtandyrý kombınaty, stýdentterge qyzmet kórsetý ortalyǵy ‘’Keremet”, kompúterlik-tehnıkalyq jabdyqtar, WI-FI symsyz ınternet jelisi, aýqymy keń sporttyq keshen, Dmıtrıı Balandın atyndaǵy 25 metrlik júzý baseıni sıaqty ortalyqtar QazUÝ qalashyǵynda ornalasqan.

Sonymen qatar, QazUÝ izdenimpazdaryna arnalǵan eń baı kitaphana-ál-Farabı kitaphanasy. Qoınaýy 2 mıllıonnan astam kitap qorymen erekshelenetin záýlim shahardaı saraıda árbir bilimge qushtar, jan-jaqty stýdentke ózine kerekti kitapty esh qıyndyqsyz taba alady. Orta Azıadaǵy bilim oshaqtarynyń arasyndaǵy eń úlken kitap qoryna ıe bolǵan kitaphanada Shyǵystyń uly oıshyly ál-Farabıdiń ómiri men shyǵarmashylyǵyn, eńbegin nasıhattaıtyn murajaıy jáne ǵylymı-aǵartýshylyq murasyn zertteýmen aınalysatyn ál-Farabı ortalyǵy ornalasqan. Ál-Farabı atyndaǵy Qazaq Ulttyq Ýnıversıtetinde bilim alyp jatqan árbir stýdent ál-Farabı shyǵarmashylyǵymen tanys bolýǵa tıisti dep sanaımyn.

Sondaı-aq, QazUÝ stýdentteriniń kóshbasshylyq qabiletterin,ashylmaǵan qyrlary men syrlaryn jaryqqa shyǵarýǵa, uıymdastyrýshylyq qasıetterin damytý maqsatynda jastar uıymdar komıteti jumys jasaıdy. Onyń quramynda Suńqar stýdentter kásápodaǵy, stýdentter Senaty, Kómek eriktiler uıymy, Stýdenttik Keńesi uıymdary kiredi. QazUÝ qalashyǵynda ótkizip jatqan stýdenttik ómirimniń árbir kúni estelikke toly desem artyq aıtqanym emes. Árbir stýdent ózi qalaǵan uıymǵa kirip, shalqyǵan shyǵarmashylyq shabyty men jalyndap turǵan jastyq shaǵyn paıdaly iske jumsap, óz ýaqytyn tıimdi paıdalanyp, óz ortasyn tabady. QazUÝ jaıly aıta bersek, aıtylar áńgime de, ishtegi sezim, alǵan áserlerdi sózben aıtyp jetkizý múmkin emes.

Ǵalymqaıyr Mutanuly Mutanovtaı rektordyń basshylyǵynyń arqasynda ýnıversıtet kúnnen-kúnge damyp, gúldenip keledi. Tipti, halyqqa tanymal azamattardy bizdiń túlegimiz degendi estigende, boıymdy lezde qýanysh kerneıdi. Men óz QazUÝ-men maqtanamyn. Men ózimnen keıingi izdenimpaz jas býynǵa armanymdy maqsatqa aınaldyrǵan ǵajaıyp meken, úzdikter úkilegen bilim ordasyna oqýǵa shaqyramyn.
QazUÝ-adamdy tulǵa retinde qalyptastyrýǵa,óz múmkindikterińdi tıimdi paıdalanýǵa, jan-jaqtan jıylǵan daryndy jastardyń basyn biriktiretin ǵajaıyp meken. Sondyqtan da men úzdikter úkilegen bilim ordasynda oqyp júrgenimdi ómirimdegi eń úlken baqyt dep sanaımyn!

Maqala avtory: Ál-Farabı atyndaǵy Qazaq Ulttyq Ýnıversıtetiniń fılologıa fakúltetiniń 1 kýrs stýdenti Psıbaeva Asel Ernazarqyzy

 

---