BǴM qashyqtan oqytý kezinde oqýshyǵa úı tapsyrmasyn berýdiń ádistemesin bekitti
Bilim jáne ǵylym vıse-mınıstri Sholpan Qarınova qashyqtan oqytý kezinde oqýshyǵa úı tapsyrmasyn berýdiń ádistemelik quraly bekitilgenin málim etti.
«Sózdiń shyny kerek, tórtinshi toqsannyń sońyna qaraı ata-analar oqý jylynyń aıaqtalǵanyn kútedi. Muǵalim de ony biledi. Osyǵan baılanysty ózimizdiń sheshimimizdi jetkizdik. Sonyń ishinde bıyl qorytyndy atestattaýdyń bolmaıtynyn aıttyq. Bul 9-11 synyptaǵy balalarǵa qatysty aqparat. Úsh toqsannyń qorytyndysy jasalǵan. Tórtinshi toqsanda qashyqtan oqytýda jıyntyq baǵalaý ótkiziledi. Osylardyń negizinde jyldyq baǵa shyǵarylyp, 9-11 synyptardaǵy qorytyndy baǵalaý jáne atestattaý aldyńǵy baǵalardyń negizinde qoıylady», — dedi Sholpan Qarınova mınıstrliktiń onlaın rejımde ótken qashyqtan oqytýdyń aralyq kórsetkishteri týraly brıfıńinde.
Sholpan Qarınova sonymen qatar telesabaq týraly da sóz qozǵady.
«El Arna jáne «Balapan» telearnasynda sabaqtardyń túsirilimi jasalyp, qazirgi ýaqytta kórsetilip jatyr. Sapasyna qatysty pikirlerdi estip jatyrmyz. Muǵalimderdiń de, ata-analardyń da basym kópshiligi bul júıeniń óte tıimdi ekenin aıtty. Nur-Sultan qalasynda jumys istep jatqan muǵalimder, NZM muǵalimderi osy túsirilimderge qatysyp, kóp jumys atqarǵanyn atap ótkim keledi», — dedi ol.
Bilim jáne ǵylym vıse-mınıstri telesabaq asyǵys túsirilgenimen telesabaqqa túsken muǵalimder ózderiniń jaýapkershiligin tanyta bilgenin jetkizdi.
«Sabaq berýde dástúrli formatta kestege, sabaqtyń neshe bastalyp, neshede aıaqtalatynyna úırenip kettik. Al qazir qashyqtan oqytýda sabaqtyń belgileýdiń qajeti joq. Jalpy muǵalim men balanyń arasyndaǵy qashyqtan oqytýda baılanystyń túzý ornatylýy mańyzdy bolyp otyr. Ekinshiden osyǵan deıingi berilgen úı tapsyrmalary ózgerdi. Qazirgi berilip jatqan tapsyrmalardyń bárin oqý tapsyrmalary deımiz. Oqý tapsyrmalarynyń kólemi, onyń qaı ýaqytta berilýi, qaı ýaqytta oqýshydan keri baılanystyń bolýy – osy boıynsha Bilim jáne ǵylym mınıstrligi naqty ádistemelik quraldy bekitti. Shynynda osyǵan deıin bulaı bolmaǵandyqtan keı muǵalimder qınalyp júr», — dedi ol.
You Might Also Like
-
Qashyqtan oqytý jaǵdaıynda mektep túlekteri úshin qorytyndy atestattaý pánder boıynsha jyldyq baǵalary negizinde júrgiziledi. UBT-ny ótkizý merzimderi ózgerissiz qalady. QR Bilim jáne ǵylym mınıstrli...
-
Ál-Farabı atyndaǵy Qazaq Ulttyq ýnıversıtetiniń Tarıh, arheologıa jáne etnologıa fakúlteti 2010 jyldan beri «Muraǵattaný, qujattaný jáne qujattamamen qamtamasyz etý» mamand...
