UBT ótken soń testileý kezindegi vıdeomaterıaldar biraz ýaqyt tekseriledi
UBT aıaqtalǵannan keıin testileý kezindegi vıdeomaterıaldar biraz ýaqyt boıy tekserýden ótip, kóshirýmen aınalysqan túlekterdiń jınaǵan upaıy joıylady. Bul týraly «Birge oqý» jobasynyń arnalary arqyly ótken tikeleı efırde «Ulttyq testileý ortalyǵy» RMQK dırektorynyń orynbasary Naýjan Dıdarbekova málim etti.
«Osy jyldaǵy taǵy bir jańalyǵymyzǵa toqtalsaq, Ulttyq biryńǵaı testileý aıaqtalǵannan keıin bizde aýdıtorıalardaǵy vıdeomaterıaldarǵa taldaý jasalady. Eger osy beınejazbalar barysynda testilenýshiniń tyıym salynǵan zatty (smartfon jáne ózge de qurylǵylar) paıdalanǵanyn anyqtasaq, onyń testileý nátıjesin (sertıfıkatty) joıatyn bolamyz. Atap aıtqanda, ol bilim berý grantynyń konkýrsyna qatysyp, grant alǵan jaǵdaıda, onyń konkýrs nátıjelerin joıý múmkindigi bar», - dedi Naýjan Dıdarbekova.
Osy oraıda Ulttyq testileý ortalyǵynyń ókili UBT tapsyrý kezinde barsha túlekterdi ashyq ári adal bolýǵa shaqyrdy.
Budan buryn habarlanǵandaı, UBT-da zańsyz áreket jasaǵandar jyl boıy testileý tapsyrý múmkindiginen aıyrylady.
You Might Also Like
-
UBT kezinde zańsyz áreket jasaǵan túlekter jyl boıy testileý tapsyrý múmkindiginen aıyrylady. Bul týraly «Birge oqý» jobasynyń arnalary arqyly ótken tikeleı efırde «Ulttyq ...
-
Bir Altynbel degen han bolǵan. Hannyń jalǵyz uly bar edi, aty — Qaıshyly han. Sonan basqa balasy joq edi. Bir kúnderde hannyń qatyny qursaqty boldy. Bir ýaqytta bir qyz bala keltirdi: «A...
