InfoHub Logo

Qazaqstanda sońǵy jyldary pedagogıkalyq, aqparattyq tehnologıalar, shetel tili, quqyq salalary boıynsha bilim berý baǵdarlamalaryna suranys óte joǵary bolyp tur.

Bilim jáne ǵylym mınıstrligi granttar qandaı talaptarǵa baılanysty qalyptasatynyn habarlady. Naqtyraq aıtqanda granttar tizimi Eńbek jáne halyqty áleýmettik qorǵaý mınıstrligi usynǵan kadrlarǵa degen qajettilik boıynsha aqparat negizinde, sondaı-aq, «Atameken» ulttyq kásipkerler palatasynyń qysqamerzimdi boljamy, memlekettik organdardyń qajettiligi, bitirýshilerdiń jumysqa ornalasý kórsetkishteri, memlekettik baǵdarlamalardyń kórsetkishteri negizinde túziledi.

«Sońǵy jyldary pedagogıkalyq, aqparattyq tehnologıalar, shetel tili, quqyq salalary boıynsha bilim berý baǵdarlamalaryna suranys óte joǵary. Sonymen qatar, búgingi kúni kıberqaýipsizdik máselesiniń ózektiligine jáne ekonomıkany, áleýmettik salany, memlekettik basqarý júıesin sıfrlandyrý jónindegi aýqymdy mindetterge baılanysty aqparattyq qaýipsizdik salasyndaǵy mamandar daıarlaýǵa suranystyń artqanyn baıqaýǵa bolady», — dep habarlaıdy Bilim jáne ǵylym mınıstrliginen.

Sonymen qatar mınıstrlik jyl saıyn konkýrstyń eń tómen kórsetkishteri aýyl sharýashylyǵy, metal óndirý, metalýrgıa mamandyqtaryna tıesili ekenin jetkizdi.

---