InfoHub Logo

«Ustazdy altyn dińgekke balar edim» — dep, uly aǵartýshy Y.Altynsarınniń aıtqanyndaı, ustazdyq – tarıhtaǵy eń uly istiń biri. Shyndyǵynda, muǵalim isi syrttaı qarapaıym bolǵanymen, ulaǵatty ustaz mártebesi kez kelgenniń mańdaıyna buıyra bermeıtin baq.

Otandyq bilim berý júıesiniń damýyna ólsheýsiz úles qosqan Ulaǵatty ustaz jaıynda oı tolǵaıtyn bolsaq, bilim berýdiń barlyq satylarynan ótken, tájirıbeli muǵalim, ádisker, oqytýshy, bilikti basshy, ustazdardyń ustazy bolǵan pedagogıkada  barlyq sanaly ǵumyryn halyqqa bilim berý salasyna arnaǵan adal azamat - Orynbaev Kojantaı Asanovıch.

Orynbaev Kojantaı Asanovıch 1978 jyldyń qazan aıynyń 2 juldyzynda dúnıege kelgen 1985 jyly Beıneý selosyndaǵy Abaı atyndaǵy orta mektebinde qabyldanyp, 1995 jyly bitirip shyqty.1996-1999 jj aralyǵynda Mańǵystaý energetıkalyq kolejinde «Jylý tehnıgi» mamandyǵyn úzdik bitirip, 1999-2004 jj  E.A.Bóketov atyndaǵy Qaraǵandy memlekettik ýnıversıtetinde «Quqyqtaný» mamandyǵynyń, 2015-2017 jyldary Ońtústik Qazaqstan pedagogıkalyq ýnıversıtetinde «Qazaq tili men ádebıeti» mamandyǵy boıynsha bakalavr dárejesin alyp shyqty. Eńbek jolyn alǵash Beıneý polıtehnıkalyq kolejinde 2004 jyldan bastap arnaıy pán muǵalimi qyzmetin bastady.
2013-2015 jj oqý bóliminiń meńgerýshisi, 2015 jyldan kazirgi ýaqytqa deıin basshysynyń oqý isi jónindegi orynbasary qyzmetin atqaryp keledi. Kojantaı Asanovıch kolejdegi laýazymdyq qyzmetin QR Zańnamasyna, kolej jarǵysyna, kolejdiń strategıalyq josparyna, basqa da normatıvtik-quqyqtyq aktilerge sáıkes oqý jumysyn uıymdastyrý jóninde josparlardy ázirleýdi júzege asyrady.Sonymen qatar biliktilik arttyrý kýrstarynan, kolejdegi mamandyqtarǵa sáıkes oqýlyqtar, oqý quraldaryn, ádistemelik keshender, ımıtator-maketter daıyndaýǵa qatysady.

Shyǵys oıshyly Júsip Balasaǵun: «Adamnyń máńgi bolmaǵy, onyń ary men eli úshin etken eńbeginde», - deýiniń ózi beker emes, óıtkeni ustazdyqtyń uly jolyn tańdaǵan ár adamnyń boıynda úzdiksiz izdenis pen tynymsyz eńbek etý qasıetteri bolýy shart.

Bilim berý salasynda tabandy eńbek etip, joǵary kórsetkishke jetken Beıneý polıtehnıkalyq kolejiniń ulaǵatty ustazy, abyroıly áriptes, jastarǵa úlgili parasatty pedagog Orynbaev Kojantaı Asanovıchti “QAZAQSTAN RESPÝBLIKASYNYŃ BİLİM BERÝ İSİNİŃ  QURMETTİ QYZMETKERİ”  belgisimen Mańǵystaý oblysynyń ákimi Nurlan Asqaruly Noǵaev marapattady.

Óz shákirtterine súıispenshilikpen qaraı almaǵan muǵalimnen jaqsy maman shyqpasy anyq. Al, Kojantaı Asanovıchti alatyn bolsaq, san myńdaǵan shákirtter men jas mamandardy tárbıeleýde. Ustazdyń bilim salasyn jandandyrýǵa qosqan ólsheýsiz eńbegi memleket tarapynan laıyqty baǵalandy. Alǵan maqtaý, marapat, alǵys hattaryn tizetin bolsaq, óz aldyna bir tóbe. Biraq, adamnyń adamshylyǵy marapat qaǵazymen ǵana ólshenbek emes, adamdy odan da bıik etip, qosymsha kórik berip turatyn – adamı qasıetteri, ıgilikti isteri bolmaq.

Kóp jyldar boıǵy eren eńbegińiz, kásibı sheberligińiz ben qyzmettik qabiletińiz kópke úlgi. Osy abyroıly qalpyńyzda áli talaı belesti baǵyndyryp, shákirtterińizdiń súıiktisine aınalyp júre berińiz.

Beıneý polıtehnıkalyq koleji MKQK
Bekqalıev Erbolat Qojahmetuly
Arnaıy pán oqytýshysy

---