InfoHub Logo

QR Bilim jáne ǵylym mınıstri Erlan Saǵadıevtiń 2016 jylǵy 29 tamyz kúngi buıryǵymen elimizdegi barlyq mektepterde arnaıy «Kúndelik» jobasynyń pılottyq nusqasy daıyndalýy kerek bolǵan. Bir qyzyǵy búkil elimizdegi mektepterdiń barlyǵyn qamtıtyn joba ne bary úsh kúnniń ishinde 2016 jyldyń 1 qyrkúıegine deıin daıyn bolýy kerek edi.

Alǵashqy nusqasy aptaǵa jetpeıtin ýaqyttyń ishinde daıyn bolǵan jobaǵa sol kezde qarjy da bólingen eken.

Degenmen osynsha az ýaqyttyń ishinde daıyn bolǵan «Kúndeliktiń» qaıdan kelgeni kóp uzamaı-aq ashylyp qaldy.

«Baqsam baqa eken» demekshi mınıstrdiń tapsyrmasyn der kezinde oryndaýǵa tyrysqan jandaıshaptar reseılik «Dnevnık» saıtyn aınaqatesiz, sózbe sóz qotaryp alady. Bul týraly tanymal bloger, ári ustaz Aıatjan Ahmetjan óziniń áleýmettik jelidegi paraqshasynda jazdy.

«Jylaıyn ba, kúleıin be? bizdiń mınıstrlik bir memlekette esi durys bir saıt jasaıtyn bir adam joq dep oılaıtyn sekildi she?

Sonda deımin de memleketten neshe mıllıard teńge bólingen jobany týra Reseıdiń jobasyn qazaqshaǵa aınaldyryp kóshire salý UIAT emes pe? QYLMYS emes pe?

Aıtarǵa sózim joq, elektrondy jýrnalǵa, kúndelikke ótemiz dep jyl boıy jyr qylǵanda tek bireýdikin kóshire salý ǵana qoldan keldi me?

Negizi sózim joq... aıtýdyń ózi uıat...

Tipti búkil mınıstrlikte ózinshe oılaı alatyn, kóshirmege aınaldyrmaıyq deıtin bir adam joq pa?

Senbeseńder myna eki siltemeni salystyryńdarshy...

Bizdiki: https://kundelik.kz/

Reseıdiki: https://dnevnik.ru/

Qaıran eldiń esil qazynasy....

Eger daıar shablonǵa kóshirýge mıllıardtap aqsha bólse, meniń de qolymnan keledi» - deıdi Aıatjan Ahmetjan.

Aıatjannyń áleýmettik jelidegi jazbasyna pikir jazǵandar mınıstrliktiń bul jobany qotaryp alýmen qoımaı durys jumys istemeıtindigin de alǵa tartady. "Osy kúndelikte bir ana bir balanyń ǵana anasy bolyp kórsetiledi. Ekinshi balaǵa ákesi, úshinshisi ata nemese apasy t.b. al bes balasy barlarǵa týystaryn izdep otyrasyń sol» - pikir qaldyrypty áleýmettik jeli qoldanýshysy.

Sonymen qatar taǵy bir azamat «Taǵy bir qyzyq jeri, Reseıdegi «Dnevnık» jobasy Sankt-Peterbýrgta jasalǵan komersıalyq joba - RF mınıstrligine múldem qatysy joq, eshqandaı memlekettik emes resýrs. Al bizdikiler bul jobany memlekettik joba retinde bilim júıesine engizgisi keledi.

Ol degeni - memlekettik bilim saıasaty, bilim bazasy men derekteri ýaqyttyń ótýimen sheteldik komersıalyq kompanıanyń menshiginiń qolastynda bolady degen sóz» - dep óz oıyn jazypty.

Qalaı degenmen de qyrýar qarjy bólip, el ıgiligi úshin qolǵa alǵan jobanyń ózimizdiń ulttyq ereksheligimizge, memlekettik ustanymymyzǵa saı bolǵanyna ne jetsin. Ózgeniń qańsyǵy, bizge tańsyq bolǵannan utarymyz ne?

Al osy joba qolǵa alynatyn bolsa, elimizdegi mektepterdiń jekelegen saıttary jabylyp qalýy múmkin, tipti qazirden bilim salasyndaǵy ózge saıttarǵa, ózge jobalarǵa jumys isteýge múmkindik berilmeı jatyr degen pikirler de aıtylǵan eken.

Derekkóz: baq.kz

 

---