InfoHub Logo

QR Bilim jáne ǵylym mınıstri Ashat Aımaǵambetov Úkimet otyrysynda qashyqtan oqytý boıynsha shekteý qoıylǵan salalardy atady.

«Taǵy bir mańyzdy másele – oqýǵa túsý prosedýrasynyń ashyqtyǵy men ádildigin qamtamasyz etý. Osy maqsatpen biz bıyl UBT-nyń jańa júıesin engizdik. 2021 jyly elimizde alǵash ret UBT «1 kompúter – 1 kamera – 1 testilenýshi» prınsıpi boıynsha elektrondy formatta ótkizildi. Oǵan qosa testte faktologıalyq bilimdi tekserýden oılaý qabiletin, saýatyn anyqtaý úshin test tapsyrmalary jańartyldy», – degen mınıstr magıstratýraǵa túsý jáne doktorantýraǵa emtıhan tapsyrý úshin testileýdiń kompúterlik formaty engizilgenin atady.

Onyń paıymynsha, pandemıadan keıingi kezeńde de qashyqtan oqytý trendi saqtalady.

«Sondyqtan joǵary oqý oryndarynda sıfrlyq ekojúıe qalyptastyrý, LMS platformalar, vırtýaldy zerthanalar, proktorıng júıeleri keńinen engizilip jatyr. Sapany qamtamasyz etý úshin bilim, medısına, avıasıa, qurylys, óner, áskerı is sıaqty baǵyttar úshin qashyqtan beriletin sabaqtardyń úlesi 20%-dan aspaýy kerek. Osyndaı shekteý qoıyldy», – dedi vedomstvo basshysy.

---