2025 jylǵa qaraı oqý granttarynyń sany 75 myńǵa jetedi
2025 jylǵa qaraı joǵary bilim granttarynyń sany 75 myńǵa jetedi. Bul týraly QR Bilim jáne ǵylym mınıstri Ashat Aımaǵambetov Úkimet otyrysynda málim etti.
«Elimizde joǵary bilim berý sapasyn arttyrý jumystary birneshe baǵytta júıeli túrde júrip jatyr. Atap aıtsaq, ońtaıly basqarý júıesi, akademıalyq saıasat, bilim baǵdarlamalarynyń sapasy, qoljetimdi qarjylandyrý, kásibı oqytýshylar quramy men akademıalyq adaldyq prınsıpterin saqtaý jáne sapany qamtamasyz etýdiń tıimdi júıesi», — degen mınıstr eldegi joǵary oqý oryndarynyń jartysy jeke menshikke qaraıtynyn eske saldy.
«Negizgi baǵyttarǵa toqtalsaq, elimizdegi 122 ýnıversıtettiń jartysy — jeke menshik uıymdar. Bakalavrıat, magıstratýra men doktorantýra deńgeıinde 600 myńnan astam stýdent bilim alýda. Qazaqstannyń 14 joǵary oqý orny elimizdiń jáne dúnıejúzilik úzdik ýnıversıtetter reıtıńisinde tur. Sońǵy jyldary granttar sany eki esege jýyq ósti. 2025 jylǵa qaraı granttar sany kezeń-kezeńmen 75 myńǵa jetedi», — dedi Ashat Aımaǵambetov.
You Might Also Like
-
QR Bilim jáne ǵylym mınıstri Ashat Aımaǵambetov Úkimet otyrysynda qashyqtan oqytý boıynsha shekteý qoıylǵan salalardy atady.
-
Qazaqstan Respýblıkasynyń "sybaılas jemqorlyqqa qarsy kúres" Zańy Sybaılas jemqorlyqqa mynandaı anyqtama beredi - bul memlekettik mindetterdi atqaratyn adamdardyń, sondaı-aq solarǵa teńes...
