InfoHub Logo

Kenjekeń taǵy birde bir jaqtan kele jatyp, bir baıdyń úıine túsip, sol úıde qonypty. Sol úıdiń esiginde bir jalshy jigit júripti. Kenjekeń tamaq iship, jaılanyp bolǵan soń syrtqa shyǵady. Sol kezde álgi jalshy jigit Kenjege kelip:

— Kenjeke, meni osy jalshylyqtan qutqaryńyzshy, — dep óziniń muńyn shaǵady.

— Jalshylyqtan qutylǵyń kelse, sen meniń aıylymdy urlap al, — depti.

Sóıtedi de, ózi úıge kirip, jatyp qalady. Erteńgiliginde Kenje atyn ertteıin dese, bir aıyly joq. Kenje:

— Aıylymnyń bireýi joq, bireý urlap alypty. Baıeke, aıylymdy taptyryp ber, — deıdi. Baı jalshylaryna aqyryp, olardyń eki aıaǵyn bir etikke tyǵady. Baıdyń jalshylary aıyldy «biz alǵanymyz joq» dese de, baı olarǵa senbeı tintken de, aıyl álgi túnde Kenjege jolyqqan jigitten shyǵady. Baı jalshy jigitti urmaqshy bolǵanda, Kenje oǵan ara túsip, ony urǵyzbaı alyp qalady.

Baıǵa Kenje:

— Osy jalshyńyzdy bir aıyldyń qunyna maǵan berińizshi. Jazasyn ózim bereıin, — deıdi.

Sóıtip, álgi jalshy jigitti ózimen birge alyp ketedi. Keıin álgi jigit «bir aıylǵa satylyp kelgen» dep, «bir aıyl» atanyp ketedi. Kenje oǵan enshi berip, úılendirip, jeke otaý etip, bólek shyǵarady.

---