InfoHub Logo

Kenje birde nemeresi Topaıdy ertip, Balqash jaqta bolǵan Aǵybaıdyń asyna barǵan eken. Bul as «Aǵybaıdyń Tasaraly» degen jerde bolǵan. Oǵan Uly júz, Kishi júz, Orta júzden kóptegen bedeldi kisiler shaqyrylǵan eken. Bul asqa Aqbergen bı de shaqyrylyp, onyń inisi Kenje shaqyrylmaı qalypty. Kenje asqa shaqyrylmasa da, at erttep, Aǵybaıdyń asyna barmaq bolypty. Sóıtip, Kenje nemeresi Topaıdy ertip asqa kelgen eken. As bolyp jatqan jerge birden barmaı, Kenje nemeresimen aýyl janyndaǵy tóbeniń basynda otyrypty. Sol kezde Aǵybaıdyń báıbishesi tóbe basynda otyrǵan Kenjeni kórip, shaqyryp kelýge adam jiberdi. Álgi kisi tobe basyndaǵy Kenjege kelip:

— Aýylǵa júrińiz, — dep ertip kelipti.

Asta at jarasy, palýan kúresi bolady. Ádette mundaı jarystar tóbelessiz taramaıdy eken. Kenje asta bolǵan at jarysynyń, palýandar kúresiniń báıgelerin teń bólip, úlestirip beripti. Qaıtatyn kezde Aǵybaıdyń báıbishesi:

— Ne alasyz? — dese, Kenjekeń:

— Men bul astan bir nárse alaıyn dep kelgen joqpyn, — deıdi.

Kenje Aǵybaı batyrdyń taqıasyn yrym ǵyp nemeresi Topaıǵa bergen eken.

Oqýǵa keńes beremiz:

Naýryzbaıdyń qaryndasy

Naýryzbaıdyń jolbarysty óltirýi

Qurmanquldyń Naýryzbaıdyń erligine rıza bolýy

---