InfoHub Logo

Osman patshasy Qanýnı Sultan Sýleıman han áskerlerimen bir hrıstıan aýylynan ótip bara jatyp, jol tar bolǵandyqtan áskerleriniń bir bóligine júzim baqshasynyń ishimen júrýge týra keledi.

Áskerlerdiń biri bir baý júzim julyp alyp ornyna bir dorba aqsha baılap ketedi. Patsha aýyldan shyǵa beriste azdap tynyǵyp alý úshin toqtaıdy. Sol sátte aýyldyq hrıstıan sharýa qastaryna keledi. Qobaljyp turǵan álgi kisi bas qolbasshyǵa kelip rızashylyǵyn bildiredi. Bir ásker júzim baqshasynan alǵan bir baý júzimniń ornyna aqsha baılap ketkendigin jáne olardyń mundaı adamgershilik qasıetterine tańyrqaǵanyn aıtady. Alaıda bas qolbasshy bul habarǵa qýana qoımady. Áskerninen bireýiniń ózgeniń múlkin ruqsatsyz alǵanyn jón kórmedi. Dereý ol jaýyngerdi tapqyzdy. Bul arada bul habar patshanyń da qulaǵyna jetken edi. Patsha ol jaýyngerdi ásker qatarynan bosatylýyn ámir etti de: «Asqazanynda haram azyq bolǵan jasaqpen jeńis násip bolmas» dedi. Álgi hrıstıan kisi júzimdi alyp ornyna aqsha baılaǵan jaýyngerge alǵysyn bildirýge kelgendigin, alaıda kerisinshe oǵan zıany tıgendigin aıtqanynda bas qolbasshy bylaı jaýap beredi: «Eger ol jaýynger aqsha baılamaǵanynda, bul jasaqtyń aty zalymdar jasaǵy bolar edi jáne ol jaýynger qajetti jazaǵa tartylar edi. Biraq aqsha baılaǵany úshin tek jasaqtan qutylý jazasyna tartyldy».

---