InfoHub Logo

Tákapparlyq – ózin basqalardan joǵary dep sanaý degen sóz. Hadıs shárıfte: «Tákapparlyq – óziniki qate bolsa da moıyndamaý, basqalardy ózinen tómen dep sanaý» delingen. (Múslım)

Tákapparlyq – óte jaman minez, haram bolyp tabylady. Tákappar adam salıh (jaqsy) bola almaıdy. «Men tákappar emespin» degen adam tákappar. Tákapparlyq – Allahý ta’alany umytýdyń belgisi. Tákapparlyq barlyq jaqsylyqtarǵa tosqaýyl bolady, barlyq jamandyqtarǵa jol ashady. Tákapparlyq shaıtannyń sıpaty jáne jánnattan qýylýynyń sebebi. Kúshti, qýatty adam qarapaıym, kishipeıildi bolady, al álsiz adam tákappar bolady. Tákapparlyq pen kúpirdiń arasynda óte jińishke perde bar. Tákapparlyqtyń bir qadam arǵy jaǵy – kúpirshilik. Álsiz adam nuqsandyǵyn tolyqtyrý úshin tákappar bolady. Parasatty adamnyń tákapparlanýynyń qajeti joq. Búkil jamandyqtardyń basy – tákapparlyq. Tákappar adam óte aqymaq adam. Barlyq adam óziniń tákappar nemese tákappar emes ekenin bile alady. Mysaly, tómendegi ádetter bar bolsa tákappar bolady:

1) Adamdarmen aqyldaspaý, suraq suramaý, qatesin moıyndamaý, keshirim suramaý, eshkimnen duǵa suramaý, bolmashy nársege renjip ashýlaný, adamdardy jaqtyrmaý.

2) Týystarynyń, kedeılerdiń, jaǵdaıy múshkilderdiń halinen habar almaý, olarmen aralaspaý.

3) Únemi ózinikin durys dep oılaý.

4) «Meniń aıtqanym durys» nemese «Meniń aıtqanym bolady» dep sóz talastyrý.

5) Tákapparlyǵyn jasyrý úshin kishipeıil jáne ádepti kórinýge tyrysý. «Biz mundaı isterdi túsinbeımiz» degen sıaqty sózder aıtý.

6) Nasıhat aıtqan adamnyń sózin qabyldamaý.

7) Adamdarǵa qıyndyq týǵyzyp, árkimnen shaǵymdaný.

8) Árkimnen kemshilik izdep, olardy nadan dep bilip, ózin olardan ústem kórý.

9) Qylt etse óziniń jaqsy ekenin aıtyp, mansabyn aıtyp maqtaný.

---