InfoHub Logo

Taýasar on segiz jasqa shyǵyp, kúsh-qaıraty tolysyp, el aldyna, er qataryna ilingen kezde jońǵar shapqynshylary qazaq jerine shabýyl jasaıdy. Buǵan qarsy orta júz hany Ábilmámbet úsh júzge saýyn aıtyp, atshabar attandyryp, qol jıady. Er azamat bitken ereýil atqa er salady.

Bul kezde qareke-bıboldy rýynyń ataqty bıi Qamen bı óz eliniń qolbasyn saılap, sarbazdaryna sátti jol tilep, attandyryp jatady. Sondaı qarbalas kúnniń birinde olardyń esigin aıqara ashyp, «Dat, taqsyr!» — dep kirip kelgen jas jigitke bı selt etip tigile qaraıdy. Qarsy aldynda sharaınasyn kıip, jaý jaraǵyn asynǵan Taýasardyń turǵanyn kóredi. ol bir tizesin búgip:

— Dat, aǵa, el shetine jaý tıdi, er azamat atqa qondy. Er azamat qatarynda dańqty Qabanbaı batyrǵa sarbaz bolyp, úlken jolǵa attanaıyn degen oıym bar, aq jol tilep, aq batańyzdy berińiz, — deıdi.

Tonyn ıyǵyna qaıta jamylǵan Qamen bı:

— Qaraǵym, Taýasar, elge bergen batamdy ózińnen nege aıaıyn. Árdaıym qol basqarsań, jolyń kıeli bolsyn! El basqarsań, sóziń kıeli bolsyn! — dep bata beredi.

Kemeńger Qamen bıdiń yqylasyn alǵan jas batyr tuńǵysh maıdanǵa attanǵan kezinde naǵashysy yrymdap syılaǵan kók dónenge minip, asyǵa jol tartady. Sherý tartyp ketken qoldyń sońynan kún-tún júrip qýyp jetedi, sarbazdardyń biri bop qosynǵa qosylady.

Oqýǵa keńes beremiz:

Jalańtós batyr

Elshibek batyr týraly

Berdiqoja (İ nusqa)

---