InfoHub Logo

Týǵan jer-tuńǵan shejire

"Týǵan eldiń tútini kúıesiz" deıdi ǵoı?
Áste, suńqar da qıasyn,torǵaı da uıasyn ańsaıtyny belgili ǵoı. Sebebi sol tabıǵattyń zańy osy. Ǵumyr-darıamyzda ólsheýsiz tolqyny terbelgen týǵan jer jaıly alysta turyp-aq jazarym jeterlik..Aıtarym kóp-ti. Senseńiz de, senbeseńiz de meniń ósken jerim jumaq meken. Jo-joq, bári aıtatyn "jumaqqa" emes meniń "jumaǵyma" tórletińiz endeshe.!
Týǵan jer-adam tabıǵatynyń tynysy. Meniń balalyq shaǵymnyń jumaǵyna aınalǵan bul mekenniń aýasy túgil shańynan jupar ańqıdy. Shýylynda bir janǵa jaıly tynyshtyq bar. Al,kúzdegi esken samalynan bir syrdy uzýǵa tıissiń! Tereze boıyndaǵy tal-terekten,
shashylǵan japyraq betinen shabyt alýǵa májbúrsiń! Mal-jannyń, qus tirshiliktiń, taý-tastyń, qubylǵan aýa-raıynyń bir kúndik ishki daýysynan habaryńyz bolar ma? Ánge baladym óz basym.Tunyp turǵan tabıǵattyń talanty.Tipti bir shyǵarma dersiz! Avtor tabıǵat sekildi. Eriksiz,sebepsiz elińe degen alaı-dúleı belgisiz sezimderiń qalamyńa tusaýlanbaı, júregińe ústemdik etpeı turmaıdy-aý,sirá! Qanatty keńge, qıaldy shyńǵa aparatyn bul sezimniń rýhy bıik qashan da.. Bul mahabbat-ýaqytpen sanaspaıdy. Qartaımaıdy ne jasarmaıdy. Bárinen táýelsiz! Al az ǵana jaqsylyq úshin "jaǵalary jaılaý", "kóńilderi kól-kósir" adamdaryn aıtsańshy. Munda siz meıirim mekenine máńgige qonys izdegenderdi tabasyz. Qazaqta bar minezdiliktiń qarapaıym ushqynyn kóresiz.Tabıǵattyń úılesim tapqan topyraqqa ne tasqa túspes tylsymynan syr shertersiz.Týǵan jerińe degen mundaı "kóksoqqanyń" buqqan saıyn ishińde qalaı "ah" urady deseńshi! Shybyn janyń qalaı-qalaı shyryldaıdy! Mendegi arman ataýlynyń bári de osy shaǵyn jerden bastalmaq. "Táýelsizdigi turaqtalǵan bul elge tiri bolsaq qyzmet etpeı qoımaıyq." Jan-jaǵyna nur shashyp ótken mundaı ómirden ardaqtysy ne bolsyn.. 

Gúlnur Qoqan

---