InfoHub Logo

Duǵa — bul múmınniń qarýy, ony barlyq jamandyqtan saqtaıtyn oq ótpes saýyty ispettes. Bul týrasynda Paıǵambarymyz aleıhıssalam: «Senderge dushpannan qorǵaıtyn ári rızyqty molaıtatyn bir nárseni aıtaıyn ba? Kúndiz-túni Allahý ta’alaǵa duǵa etińder. Óıtkeni, duǵa — múmınniń qarýy» — degen bolatyn.

Adamnyń duǵa tileý kezinde yqylasty bolýy da óte mańyzdy. Qalaǵanyn «Bol!» dep qana boldyra salatyn Allahý ta’alanyń ár nársege kúsh-qudireti jetetinin, Ol úshin múmkin emes nárse joq ekenin júrekpen sezinip, moıyndaǵan musylmannyń shyn tilegen duǵasyn Allahý ta’ala qabyl alady, sebebi qulynyń qolyn bos qaıtarýǵa uıalady. Sondyqtan, árbir amalymyzdyń ishki nıetimizge baılanysty ekendigin umytpaýymyz kerek.

Keńes odaǵynyń batyry T.Bıgeldınovtyń suhbatynan:

«...Jaqyndadym da «Mehanık, gotov k poletý» dedim, ol maǵan parashútty kıgize bastady. Men parashúttyń remenderin taǵyp turyp «Lá haýlá ýá lá qýýáta ıllá bılláhıl alııl azım, má sháá allah káná, ýá má lám ıáshá lám ıákýn, ál ımáný – ıqrarýn bıllısánı, ýá tasdıqýn bıl-qalbı bı máá jáá bıhı mın ındılláhı Mýhammadýr Rasýlýllahı sallallahý aleıhı ýásállam» - dedim, mehanık maǵan qaraıdy, sol duǵany oqyp aldym, maǵan oq tımeıdi. 300-305 ret osy duǵany oqydym. Sol duǵanyń qudreti boldyǵoı, sonymen aman qaldym. Bir samoletti de joǵaltpadym, bir ushqyshty da joǵaltpadym».

---