InfoHub Logo

 H. Dosmuhamedov atyndaǵy Atyraý memlekettik ýnıversıteti
jýrnalısıka mamandyǵynyń III kýrs stýdenti Abaeva Aqtilek
Jetekshisi: Jumabaeva Anarhan

Tilim sónse men qalaısha úndesem
Shashyraǵan kún sáýlesin kórmes em.
Azat kúnde bárin baǵym qyp bergen
Táńirime táýbemdi aıtyp kún keshem.
Tarlan tarıh tamyrymen tildesem
Ór elimniń órligimen úndes em.
Elim maǵan ne beredi dep emes,
Men elime ne berem dep kún keshem — dep óz óleńimmen bastaǵym keledi tebirenisimdi. Iá... ár perzenttiń moınyna arqalaǵan mindeti, aýyr lepesi de, jaýapkershilikti sezinter boryshy da osy shyǵar.  

«Men Qazaqıamnyń órkendeýi úshin ne isteı alamyn?» degen suraq tóńireginde ózdigimshe oı órbitip kórdim. Tolǵansam, sanamdy selt etkizgen san saýal men kókiregimde qaýǵadaı qars aıyrylǵan mejeli maqsattyń, aq raýshandaı búr jarǵan alasarmas asqaq armannyń túıinshegin sezindim. Taraý joldyń ımektelgen baǵytynda qubylamdy ultymnyń múddesine baǵyshtasam adaspas múkkamal syılaıtyny anyq. Qolyma qalam ustasam, elim jaıly eljireı ketetinimdi jasyrmaımyn da. Elim dep egilip qolyma ustaǵan qalamnyń ushataǵan sátteri az emes. Qasıetińnen aınaldym qara sóz. Qara qalammen qara sózdiń balyn tamyzyp oı tóge otyryp ult kelbetindegi jaýapkershilikti meılinshe jetkizsem asqan qýanysh bolmas edi. Meniń paıymymda memleketke degen mahabbattyń ólshemi joq. Ol búkpesiz aqtarylar júrek túkpirindegi eń uly sezim. Balań urpaq búginde «rýhanı bıiktiktiń» shyńyna satylap kóterilýde. Azattyqtyń rýhy qazaq qoǵamyna táýelsizdikpen qatar ense de, saryn qobyzyn syzyltyp ótken ulttyq qaınardyń bastaýlaryn kez kelgen jerden izdeımin. Meniń tolǵanysym — meniń ǵumyrbaıandyq hamzamdaǵy pıǵyl men pende.

Qajettiligine otandyq turǵydan óteýge arnalǵan bolashaq jospar. Shyǵarmashylyqta: «Ádebıet — rýh maıdany! Onda kimniń rýhy bıik bolsa, sol jeńiske jetedi...» degen túsinik bar. Árbir qazaqtyń balasy «Men elimniń jarqyn bolashyǵy ne isteı alamyn?» degen suraqtar tóńireginde erkin jaýap qaıtarýy qajet. Sebebi, ómir kartınasynyń erlikteri — azattyqtyń mańdaıy jarqyraǵan ólkede jasalady.  Talǵampaz kóńilde rýh janartaýynyń atqylaýyna shýaq beretin arman degen uǵym bar. Men únemi arman qubylamnan rýhanı bıiktikti izdeımin. Jan dúnıesi nurly adam ǵana qoǵam men otannyń gúldenýine óz boıyndaǵy asqan nárin bere alady.

Oıymdy qorytyndylaıtyn bolsam, el erteńi bilimdi urpaq pen jalyndy jastardyń qolynda. Azat eldiń árbir azamaty ultty, tildi, dinimiz ben dilimizdiń qadir qasıetin uǵyna júrip qasterlese máńgilik eldiń biri bolamyz dep bek aıta alamyn. Ár tulǵa ult kelbetindegi jaýapkershilikti uǵynsa, tarıhymyzda qashalar aqtańdaq betterdiń taǵy da ashylary anyq.

Qysqa ǵumyryn el taǵdyryna arnap, Alash uranyn aspandatyp, halyq ıgiligi úshin qara basyn qaterge tigip, kúlli adamzattyń múddesin kózdegen, zamana syryn ashyp, bolashaqqa jol siltegen ult aqyny Maǵjan Jumabaev:
Men senemin jastarǵa.
Alash atyn aspanǵa
Shyǵarar olar bir tańda,
Men jastarǵa senemin! — dep jyrǵa qosyp, úmit kútken jalyndy jastarynyń osal bolýǵa qaqysy joq. Keleshegimizdiń kemel, erteńimizdiń eleýli bolýy siz ben bizdiń qolymyzda, qadirli zamandastar!

---