InfoHub Logo

Qorqynysh — bizdiń is-áreketimizge áser etetin eń kúshti sezimderdiń biri. Sheshim qabyldaýda, qandaı da bir isti qolǵa alýda, sondaı-aq jetken jetistikterimizde de onyń ózindik úlesi bar.

Búgingi bar bolmysymyzǵa da belgili bir dárejede qorqynysh áser etken.

Qorqynyshtyń áseri

Qorqynyshtyń negizgi maqsaty — adamnyń ózin qorǵaýǵa tyrysýy. Alaıda, bul sezim — bizdiń jáne maqsattarymyzdyń arasyndaǵy negizgi kedergi.

Eger qorqynyshty paıdaǵa asyrýdy úırenseńiz, jetistikke jetý áldeqaıda ońaı.

Qorqynyshtyń formasy kóp.

Onyń keıbiri ıtten ne órmekshiden qorqý syndy jeke adamǵa ǵana tán qorqynyshtar bolsa, endi bireýleri jańa dúnıelerdi jasap kórý, kópshiliktiń aldynda sóz sóıleý syndy barlyq adamda bolatyn ádettegi qorqynysh.

Sátsizdikten qorqý

Barlyq qorqynysh túrleriniń ishinde jetistikke jetý yqtımaldyǵyna tikeleı áser etetin qorqynysh aıryqsha oryn alady. Bul — sátsizdikten qorqý.

Sátsizdikten qorqý — maqsatqa qol jetkize almaǵan jaǵdaıda tap bolatyn jaǵymsyz saldarlarǵa minez-qulyqtyń emosıonaldy reaksıasy.

Bul — jaǵymsyz jaıttarǵa uryndyrýy múmkin is-áreketterdi oryndaýdy qalamaý, qatty ýaıym men negatıvti oılaý.

Ǵylym ne deıdi?

Bul qorqynyshtyń ǵylymı ataýy «atıhıfobıa» dep atalady. Fobıanyń osy túrin serik etken adamdar óz kúsh-jigerin tabysqa jetýge emes, jaǵymsyz saldarlardyń aldyn alýǵa jumsaıdy.

Mysaly, olar óz jumysynan tys mańyzdy jobany sátti aıaqtap, qyzmette ósý úshin emes, bastyq ony jalqaý dep eseptemes úshin jasaıdy.

Sondaı-aq mundaı adamdar isti jaqsy jasaýǵa qabileti baryn bile tura ózine tómen standarttar qoıyp alady. Syrttan baǵa beriletin jaǵdaılardan aýlaq bolýǵa beıim.

Qorqynysh — kedergi

«Atıhıfobıa» adamdardy maqsatqa jetý jolynda ádeıi kedergi jasap alýǵa májbúrleıdi. Nátıjesinde, adam óz-ózin emes, jaǵdaıatty aıyptaıdy.

Sátsizdikten qorqatyn adamdar únemi sharshańqy hálde júrip, sarsańǵa salǵan ýaıym men energıanyń azdyǵyn sezinedi. Óz ómirine razy emes bolǵandyqtan, jumysy da aýyrlaı beredi.

Sátsizdikten qorqý kóp qyrly. Odan qutylý úshin onyń túrin, sebebin jáne saldaryn anyqtaý kerek. Óz qorqynyshtaryn bilý jáne qabyldaý shekten tys ýaıymǵa salynbaı, jaýapty mindetterden qoryqpaýǵa kómektesedi.

Qatelik jasaýdan qorqýdyń sebepteriniń eń keń taraǵan túri tómendegideı:

1. Biz sátsizdikten qysylamyz

Eshkim sátsizdikti maqtan tutpaıdy. Eshkim aryqtaı almaǵan nemese qyzmette óse almaǵan adamdy maqtamaıdy.

2. Sátsizdik sizdiń laıyq emes ekenińizdi kórsetedi

Sátsizdik «men jetkilikti dárejede talantty, aqyldy nemese qabiletti emespin» degen oı tańýy múmkin.

3. Sátsizdikke tap bolǵan adamnyń bolashaǵy bulyńǵyr

«Men sátsizdikke ushyrasam ne bolady? Shyǵyndardy qalaı óteımin? Tańdaý jasaǵanyma úırenip kete alamyn ba?» degen oılar tek úmitsizdikti arttyryp, baqytty bolashaqty bizden alystatady.

4. Sátsizdik áleýmettik «ólimmen» teń

Keı adamdardy ózgelerdiń pikiri alańdatatyny sonsha — sátsizdik bolǵan jaǵdaıda olardyń maǵan degen qyzyǵýshylyǵy tómendeıdi dep oılaıdy.

Adamdar olardy qoǵamda «ólilerdiń» qataryna jatqyzady degen qorqynysh bolady.

5. Sátsizdik jaqyn adamdardy jabyqtyrady

Sátsizdikke ushyraǵan jaǵdaıda óz ómirindegi mańyzdy adamdardy — otbasy, dostar nemese jumys berýshilerdi — joǵaltamyn dep oılaıdy.

6. Sátsizdik qurdymǵa ketýdi bildiredi

Praktıkalyq turǵydan sátsizdik qarjy, ýaqyt jáne kúsh sıaqty fızıkalyq shyǵyndarǵa ákelýi múmkin.

Oqýǵa keńes beremiz:

Baqytsyz, beıbaq, sátsizdikten kóz ashpaıtyn adam bolýdyń 10 sebebi

Óz qatelikterińizden sabaq alýǵa úıretetin 3 sóz

Sátsizdiktiń úsh kezeńi

Mıllıarder atanǵan 5 beıbaq

Ózimizge degen senimdilikti joǵaltatyn 5 nárse

Djon Rokfeller bergen chek

Senim

Sátsizdikter

Áp-sátte senimdiligińizdi artyrýdyń 5 ádisi

Motıvasıadan aıyrylyp qalý sebepteri

Kóbelekten alynǵan sabaq

Mı jáne densaýlyq

---