InfoHub Logo

Atyraý oblysy, Qyzylqoǵa aýdany, Mıaly selosy
H.Dosmuhameduly atyndaǵy orta mektep
Geografıa páni muǵalimi. Nurmuhanova Qarylǵash Baqtıarqyzy

Taqyryby: Bizdiń Elbasymyz
1 jeltoqsan-Prezıdent kúnine oraı ótkizilgen tárbıe saǵaty.
Taqyryby: Bizdiń Elbasymyz

Maqsaty: 1.Qazaq halqynyń tuńǵysh prezıdenti Nursultan Ábishuly Nazarbaevtyń ómir joly, týyp-ósken, oqyp bilim alǵan, qyzmet etken jerleri týraly maǵlumat berý;
2.Elbasynyń ómir jolynan úlgi ala otyryp Otanyn, halqyn súıýge, erjúrektilikke, azamattyqqa, ulttyq patrıottyq sezimge tárbıeleý;
3.Shákirt júreginde elbasyna degen súıispenshilik sezimin oıatý, qurmetteý.
Kórnekiligi: slaıdtar kórsetý, sharlar, sýretter, býklet «Nursultan Nazarbaev – tuńǵysh prezıdent» Bizdiń Elbasymyz - N.Á.Nazarbaev atty stendter, Elbasynyń portreti, oqýshylar shyǵarmasy.

«Elbasyna»
Aýyr kúndi artymyzǵa tastaýy –
Qıyn sátte qıyndyqtan qashpaýy.
Tilim, dinim, ultym qaıta kógergen,
Elbasymyz Nuraǵańnyń bastaýy
Týdy ustap týra jolǵa túsirip,
Jas Otannyń ómirin de túsinip,
«Elim, jerim» dep urandap taısalmaı,
Bir keremet jasady-aý kisilik!
Elbasymyz saǵan máńgi razymyz,
Úlken-kishi, aǵaıyndar – bárimiz.
«Ultym, elim» dep qaıǵyrǵan uly jan,
Siz bizderdiń pirimiz de, ánimiz.

1-júrgizýshi:(Qarlyǵash) Bizdiń Prezıdentimiz –Nursultan Ábishuly Nazarbaev .
Memleket basqarý isi – mashaqatty da, mártebeli mindet.
Basshy basqarǵan el – eń baı memleket, halqy eń baqytty halyq.

2-júrgizýshi:(Dastanbek) Olaı bolsa, búgingi tárbıe saǵatymyzdy ádilettiń aq jolyn tý etip eliniń egemendigin, yntymaqty, tutastyq, birlikti oılaǵan, urpaqtyń sanalyǵyna mán bergen, ar men namysty bıik ustaǵan, álemdik deńgeıdegi iri qoǵam qaıratkeri, táýelsiz Qazaqstan Respýblıkasynyń tuńǵysh Prezıdenti N.Á.Nazarbaevtyń qurmetine arnaǵaly otyrmyz!1 jeltoqsan – Prezıdent kúnine oraı ótkizilip otyrǵan «Bizdiń Elbasymyz» atty tárbıe saǵatyn ashyq dep jarıalaımyn!

1-júrgizýshi: Táýelsizdigimizdi alǵannan soń halyqtyń basyn biriktirip N.Á.Nazarbaev tuńǵysh elbasy boldy. Elbasynyń bastaýymen meniń Otanym álemge tanyldy. Elim eldigin kórsetti, erligin tanytty. Qazaq halqy egemendigin alyp, Táýelsizdikke qol jetkizgende óz aldymyzǵa el bola alatyndyǵymyzǵa kúmándanǵan jandar da bolǵan eken. Biraq ar-namysty tý etken Elbasymyz ben úkimet basyndaǵy el úshin eńbek etken aǵalarymyzdyń aıanbaı eńbek etýi osy nurly kúnderge jetkizdi.

2-júrgizýshi: Búgingi kún bizge OŃAILYQPEN KELGEN JOQ.Táýelsiz el ataný úshin, qanshama aǵa-apalarymyz, ata-babalarymyz ter tókti. Sonyń arqasynda búginde biz, Táýelsiz, derbes, álem tanyǵan Qazaqstan atanyp otyrmyz. Qazaq degen atymyzdy alǵanǵa deıin qazaq halqynyń basynan ne ótpedi, ne kórmedi.Táýelsiz el Qazaqstan ataýy qalaı keldi, qalaı týdy aldymen ekranǵa nazar aýdaraıyq. (1-slaıd)
Qazaqstan deıtin meniń bar elim .
Jatyr alyp jarty dúnıe álemin!
Bul dalany anam jaspen sýarǵan,
Bul dalada atam qolǵa tý alǵan,
Bul dalada jylap kelip, ýanǵan
Bul dalany kórip alǵash qýanǵan
Bul dalada ósken janda joq arman! (Q.Amanjolov)

1-júrgizýshi: Álem tanyǵan, daryndy tulǵa, isker- saıasatshy, Qazaqstan Respýblıkasynyń tuńǵysh Prezıdenti N.Á.Nazarbaev sol kúnnen beri 21jyl el basqaryp keledi. Ol Qazaqstandy búginde álemge áıgili memleket etip, atyn shyǵardy. El ekonomıkasyn túzep, bolashaqta kósh bastaýshy elderdiń qataryna qosý úshin aıanbaı eńbek etýde.

2-júrgizýshi: Eli qurmet tutqan, Elaǵamyz,
El úshin eńbek etken Elbasymyz- N.Á.Nazarbaevtyń ómir jolyna sholý jasaıyq.

1-oqýshy:
Nursultan Ábishuly Nazarbaev 6-shilde 1940 jyly Almaty oblysy Qaskeleń aýdanyndaǵy Shamalǵan aýylynda týǵan.Balalyq shaǵy keıde aıta beretinimizdeı tarshylyq jaǵdaıda ótti. Úlkenderdiń mal baǵýyna, baý-baqsha ósirýine kómek kórsetý kerek boldy, shópshek terip, otyn jardy.Ózi eske alǵandaı, ósirgen az-maz ónimderin satyp, úı-ishine qajetti zattar alý úshin esek jekken arbamen jaqyn mańdaǵy temirjol stansasyna barý degeniń keremet mereke sanalǵan.Mektepti jaqsy oqyp, jaqsy bilim aldy.Ata-anasyn qatty qurmet tutty.

2-oqýshy:
Ol erte eseıdi, orta mektepti bitire salysymen Keńes Odaǵyndaǵy asa iri Qaraǵandy metalýrgıa kombınatynyń kólemdi qurylysyna attandy.Qurylysta biraz eńbek etkennen keıin bir top qazaqstandyqtarmen Ýkraınanyń Dneprodzerjınsk qalasyna baryp metalýrg –jumysshy mamandyǵyn meńgerdi.Bul shoıyn quıýshy, domna peshiniń kómekshisi jumystaryn atqardy, al keıinirek ınjener dárejesine kóterildi.

3-oqýshy:
Sol jyldary onyń basshylyq qasıetteri jarqyrap kórindi. Qalalyq, oblystyq jáne respýblıkalyq kólemde basshy organdarda jaýapty qyzmetter atqardy.Metalýrgıalyq kombınatynda partkom hatshysy, Temirtaý qalalyq, Qaraǵandy oblystyq jáne respýblıkalyq partıa uıymdarynda ekonomıkalyq salaǵa jaýap beretin hatshy boldy.
Ol Qazaqstan Úkimetin basqarǵanda 44 jasta boldy.Osylaısha onyń saıası ómirbaıany bastalady.

4-oqýshy.
1991 jyly 1-jeltoqsanda respýblıka jurtshylyǵy tuńǵysh ret Nursultan Ábishuly Nazarbaevty Respýblıkamyzdyń Prezıdenti etip saılandy.
Respýblıka tarıhynda halyq alǵashqy ret sanaly túrde óziniń taǵdyryn senip tapsyryp, óz basshysyn saılady.
5-oqýshy.
1991 jyldyń 16 jeltoqsanynda Qazaqstan Respýblıkasy Joǵarǵy sesıasy «Táýelsiz demokratıalyq jáne quqylyq memleket» dep jarıalady.
6-oqýshy.
Astana-QR-nyń saıası, ákimshilik jáne mádenı ortalyǵy. Elbasy-N.Nazarbaevtyń jarlyǵyna sáıkes 1997 jyly munda burynǵy astanamyz Almatydan Respýblıkanyń basshy oryndary Prezıdent keńesi, QR-nyń Úkimeti jáne Parlament kóship keldi.Elimizdiń basqarý jumystary osy jerden júzege asyrylady.

1998 jyly 10-maýsymda jańa astananyń resmı tusaý keseri boldy. Qala Esil ózeniniń oń jaǵalaýynda Saryarqanyń soltústik bóliginde ornalasqan. Búgingi tańda Astana eń ásem, jas, ádemi, kórikti qalaǵa aınaldy.
Kóteredi shańyraq Astanam asqaq,
Jańaryp qalam, jasaryp dalam!
Basyńnan serpi bodandyq júgin,
Ketpeıdi oıdan Otandyq uǵym.
Arystan júrek, aıbyndy elim,
Tanıdy seni bar álem búgin.

Án: “Astana – bas qala”
7-oqýshy: 2006 jyly 7-qańtarda ánuran qabyldandy.
Egemen elim ánurany janardy,
“Meniń Qazaqstanym” jer júzine taraldy.
(Ánuran aıtylady)

8-oqýshy:
Sóılesip bir júrgen qaı sózinde de halyqty bıik qoıasyń,
Halyqpen bir ashyǵasyń da, halyqpen birge toıasyń.
Jastyqtyń jalyn shaqtarymenen birge aıtyp arman ánderi,
Qazaqstannyń baqtarymenen birge japyraq jaıasyń.
Halyqtyń muńy muńdaıtynyn da, halyqtyń jyry jyrlar jyr,
Kókiregińde kónermeı áli ótken de ketken jyldar jyr,
Sońyna erdik sol ǵana bizdi jetkizedi dep baqytqa,
Baqytqa basta baıtaq elińdi, baqytsyzdyqtan qur qaldyr.

9-oqýshy:
Nursultan bar dep nuryńa seniń shomylǵandaı bop júrem men,
Beıneńdi kórsem beımezgil kezde qabaǵymdy asham túnergen.
Súıemiz seni, sanamyz, sónip qalmaı turǵanda súıemiz,
Allanyń bizge bir ózi senip ókilisiń sen jibergen.
Jesirge pana, qashanda qamqor bop júrsiń jetimge,
Ananyń tili, balanyń tili sóıleı bilesiń ne tilde.
Qalam terbesek júrek berdi esep basynan ótken jyldarǵa,
Saǵan senbesek, kimge senemiz osynaý jerdiń betinde...
Án: «Jan aǵa»

1-júrgizýshi:
N.Nazarbaev - bárinen buryn óz mindetin, óz taǵaıyndalýyn tereń sezinetin, úlesine tıgen mindetti jaýapty ári qajyrlyqpen atqaratyn adam. Ol ár qadamyn shyn mánisinde óte muqıat esepteıdi: ol úshin saıasatshy bolý-boıǵa bitken darynmen qatar kún saıynǵy asa aýyr jumys jáne ómir daǵdysy.
( Ekranda 3-slaıd «Uly dostyqta» .Onda Qazaqstan Respýblıkasynyń Prezıdentiniń shetelge saparlary, ár túrli elderdiń basshylarmen túsken sýretteri oryn alǵan. )

2-júrgizýshi: Álem elderiniń basshylary men saıasatkerleriniń Prezıdent N.Á.Nazarbaev týraly aıtqan lebizderine qulaq túreıik.
«Zamandastar kózimen»
Djordj Býsh- AQSH burynǵy Prezıdenti
-Qurmetti Nursultan Nazarbaev. Sizdiń basshylyǵyńyzben Qazaqstan jappaı qyryp joıatyn qarýdy tartpaý isinde álemniń jetekshi elderiniń birine aınaldy. AQSH, sonymen qatar Qazaqstanǵa terorızmge qarsy jahandyq kúreste kórsetken dostyǵy men yntymaqtastyǵy úshin rızashylyǵymdy bildiremin!

Kım De Chjýn- Koreıa Respýblıkasynyń Prezıdenti
- Onyń demokratıalyq, saıası jáne ekonomıkalyq ózgeristerdi oıdaǵydaı iske asyryp jatýynyń aıǵaǵy olardy álemdik qoǵamdastyqtyń keńinen tanýy bolyp otyr. Prezıdent N.Á.Nazarbaevtyń basshylyǵymen Qazaqstan jan-jaqty damyp keledi.

Kofı Annan- BUU-nyń Bas hatshysy
Qazaqstannyń TMD-nyń basqa elderinen aıyrmasy sonda- bul elde beıbit ómir men turaqtylyq ornap, ekonomıkalyq órleý baıqalady. Qazaqstan túrli ulttar beıbit qatar ómir súrip jatqan, etnıkalyq sanalýandyq tartystyń emes, qaıta tatýlyq nyshanyna aınalǵan memlekettiń úlgisi bola alady.

11-oqýshy: Osy oraıda órkendep ósken Qazaqstannyń álemdegi búgingi orny men bedelin maqtanyshpen atap aıtýǵa bolady. «El - Elbasyna tirek, Elbasy – elge qalqan». Bul – búginginiń shyndyǵy. N.Nazarbaev dese – Qazaqstan, al Qazaqstan dese Nazarbaev oıǵa oralady dep, halyqaralyq qaýymdastyqtyń moıyndaǵanynan tolyq ańǵarýǵa bolady.

12-oqýshy:
Halqym aıtqan jer kóterer el dańqyn,
Elim aıtqan el kóterer jer dańqyn.
Prezıdentim, elbasy, aman bolǵaı,
Máńgi jasa, jas qazaǵym, ór halqym!
Barlyǵy:
«Osy táýelsiz elimizdiń namysyn qorǵaıtyn, búginimizdi erteńine jalǵaıtyn, qazaq eliniń erteńi, bolashaǵy úshin jaýap beretin urpaq ekenimizdi sezinemiz»
Án: «Elim meniń» (sózi: N.Nazarbaev, áni: B.Tileýhanov)

12-oqýshy: Elbasy úlken saıasatker bolýmen qatar jan-jaqty damyǵan tulǵa, barlyq qazaq azamattary sıaqty jylqyny jaqsy kóredi.Sondaı-aq ónerge de kóp kóńil bóletin adam. Oǵan dálel jańa ǵana ózderińiz tyńdaǵan «Elim meniń» jáne «Úsh qońyr» ánderi. Bul ánderdiń sózi Nursultan Ábishulynyki ekenin biz maqtanyshpen aıtamyz.

1-júrgizýshi: Qazaqstan Respýblıkasynda turatyn árbir adam, ásirese jastar erteńi úshin alańdamaıdy. Elbasynyń «Qazaqstan -2030» joldaýynda kórsetilgen:
«Qorytyndy sózimdi jas urpaqqa, Qazaqstan jastaryna arnasam deımin. Sizder egemen Qazaqstanda ómir súrip jatqan azamattardyń birinshi urpaǵysyzdar. Sondyqtan da sizderdiń aldaryńyzda iske asyrýdyń biz qol jetkizbek bolǵan bolashaqty ózderińiz ben balalaryńyz úshin óz qoldaryńyzben ornatýdyń sheksiz múmkindikteri ashylyp tur. Endeshe Qazaqstannyń bolashaǵy sizderdiń qoldaryńyzda».
2-júrgizýshi: «Qazaqstan – baqytty el, Prezıdenti tanymdy, halqy qarymdy, dosy kóp el ekenin de maqtan tutamyz. El tarıhyn tulǵalar jasaıdy. Tulǵa – eldiń tuǵyry, Tulǵa – eldiń tutqasy. Bizdiń Prezıdentimiz Nursultan Ábishuly Nazarbaev osyndaı tulǵa!