InfoHub Logo

Osydan qanshama jyl buryn Alash ardaqtysy Mirjaqyp Dýlatulynyń "Serke" gazetinde "Bizdiń maqsatymyz" atty maqalasy jarıalanyp edi. Ol kezdegi maqalanyń negizi de, arqaýy da qazaqtyń el bolyp uıysýyn qalyptastyrý, eldi birlikke shaqyrý bolatyn. Al bıyl elimizdiń táýelsizdigine 20 jyl tolyp otyr. Sol sebepti men sol kezdegi ýytty maqalany halyq jadyna taǵy da túsirip, ótken men búginge sarap jasasyn dep oıladym. Maqalamnyń atyn osylaı alýymnyń sebebi de sol. Ótken kúnderdi oı eleginen ótkizip, oımen baǵalap, baıybyna jete qarasaq, táýelsizdikke jetý jolynda neler bolmady, qandaı qıynshylyqtar ótpedi, kimder kelip, kimder ketpedi! Osynaý adam oıy jetkisiz uzaq jyldar sheginde qazaq ne kórmedi!

Aıbyndy batyrlar da, qaıratty qalamgerler de, ótkir tildi bıler de osy jolda qurban boldy. Al qazir, tarıh betine urpaq kózimen qarasaq, bári de demde ótip ketken ertegi tárizdi. Bizdiń búgingi tańda osyndaı egemendi elde, yntymaǵy men birligi jarasqan halyq arasynda týǵanymyzǵa tipti sener senbesińdi bilmeısiń. Sol ýaqytta bizdiń maqsatymyz ne boldy, al qazir qandaı? Eki ǵasyr ishinde bizdiń maqsatymyz ózgerdi me? Árıne, ol kezdegi maqsatymyz judyryqtaı jumylyp, táýelsizdikke jetý bolsa, al qazir, sol jumylǵan judyryqty jazbaı, ańsap jetken táýelsizdikti saqtap, elimizdiń mereıi men merekesin odan ári asqaqtatý. Meniń búkil qazaq jastaryny ń atynan aıtarym, bizder, elimizdiń bolashaǵymyz jáne Qazaqstanymyzdy gúldendirýge bar kúshimizdi salamyz, oǵan ýáde de bere alamyz. Bizdiń maqsatymyz Qazaqstannyń táýelsizdigi men birtutastyǵyn, mádenıeti men ádebıetin qaımaǵy buzylmaǵan qalypta saqtap, keıingi urpaqqa jetkizý. Meniń de, búkil qazaqtyń da maqsaty osybolýǵa tıis. Táýelsizdiktiń 20 jyldyǵyna óz júrekjardy óleńimdi arnaımyn:

Táýelsizdik- ańsaǵan nury elimniń
Bostandyq ańsap talaı bir jyldar egildiń.
Azattyq tańy aǵaryp atqan bul kúnde
Mereıiń assyn, qazaǵym meniń, nur elim.

Neler de kelip, kimder ótpedi zamannan,
Bostandyq ańsap shyqpaǵan maıdan alańnan.
Ajalǵa qarsy qasqaıyp turdyń moıymaı,
Taýsylsa daǵy aırylyp taǵat, amaldan.

Bul ómir, shirkin, kimderden keıin qalmaǵan,
Talaı jan ótti aý táýelsizdik dep zarlaǵan.
Qatpar qatpar tarıhy bar qazaǵym,
Jyrymdy arnap, bas ıemin bir saǵan.

Táýelsizdik -bul babalar salǵan uly jol,
Tarıhtyń bizge aıtary da, syry mol.
Qara sózdi temirdeı týrap, qamyrdaı,
Ilegen talaı sańlaqtar salǵan sara jol.

Ashyq bolǵaı qazaǵymnyń aspany,
Bizge baqyt eldiń órlep, tasqany.
Telmirip jetken talaı qazaqtyń qanymen,
Jasaı bersin táýelsizdik maqtany.

Búgingi kún erkindiktiń jalaýy,
Osy emes pe qalyń eldiń qalaýy.
Alashym meniń, eshqashanda sónbesin,
Táýelsizdiýtiń máńgilik jaqqan alaýy.

Baqyt qoı bizge araılap tańnyń atqany,
Sizder ǵoı myna elimniń erteń maqtany.
Alash jurty, qutty bolsyn aǵaıyn,
Táýelsizdiktiń 20 jyldyq aq tańy.