InfoHub Logo

Maqsaty: Balalarǵa ústel - ústi teatry arqyly baıandap aıtý, suraq-jaýap arqyly balalardyń sóıleýin, tilderiniń durys jetilýine yqpal etý.Ertegi keıipkerleriniń is-áreketine nazar aýdara otyryp, ertegini túsinýge,qabyldaýǵa,sezinýge jeteleý. Meıirimdilikke, adamgershilikke tárbıeleý.
Ádis-tásili: Ǵajaıyp sát,psıhologıalyq trenıń,oı - qozǵaý, túsindirý, kórsetý suraq-jaýap, oıyn jattyǵý.

Kórnekiligi: ertegi keıipkerleriniń maketi,úlestirmeli materıaldar
Sózdik jumys: Altyn jumyrtqa, jáı jumyrtqa, taýyq, urady .
Uıymdastyrylǵan oqý is-áreketiniń tıpi: Jańa materıaldy ıgertý.
Uıymdastyrylǵan oqý is-áreketiniń túri: Dástúrli emes.
Balalar, biz bárimiz bir úıdiń balalaryndaı tatý, dospyz. Qane bir-birimizge degen dostyǵymyzdy nyǵaıtý úshin, jaqsy tilekter aıtaıyqshy.

- Kúnimiz jaryq bolsyn!
- Aspanymyz ashyq bolsyn!
- Denimiz saý bolsyn!
- Elimizde tynyshtyq bolsyn!
Jaraısyńdar, balalar! Qazir jyldyń qaı mezgili?
- Kóktem mezgili.
- Kóktemde qandaı ózgerister baıqadyńdar, qandaı ereksheligi bar?
- Kún jylynyp keledi, aǵashtar búrshik jarady, qustar qaıtyp keledi.
- Qandaı merekelerdi toıladyq?
- Analar merekesin, naýryz toıyn toıladyq.
- Ia, tirshiliktiń bári oıanyp, jan-janýarlar tóldep, qustar kelip, balapan shyǵarady eken. Sender qandaı qustardy bilesińder?
- Torǵaı, qarǵa, taýyq.
- Ia, taýyq úı qusyna jatady. Taýyq ne shyǵarady?
- Jumyrtqa shyǵarady.
- Endeshe, men senderge "Altyn jumyrtqa" ertegisin aıtyp bereıin.
Ertegini ústel - ústi teatry arqyly kórsetip otyryp áńgimeleý.
- Balalar ertegi ne týraly eken?
- Altyn jumyrtqa týraly.
- Onda taǵy qandaı keıipkerler bar?
- Ata, áje, tyshqan, taýyq
Balalar, endeshe bir sát balapandarǵa uqsap qımyl jasaıyqshy.
(«Shójeler» ánine qımyl jasaıdy)
- Balalar jumyrtqanyń pishini qandaı?
- Pishini sopaqsha
- Túsi qandaı?
- Túsi aq.
Osy kezde taýyqtyń daýysy estiledi.
- Balalar, tyńdańdarshy neniń daýysy estiledi?
Topqa qyt-qyttap taýyq kiredi.
- Qyt – qyt - qyt, sálemetsińder me, balalar!Qandaı ádemi balalar!
- Balalar, bul bizdiń ertegimizdegi taýyq emes pe?
- Ia, meniń kóp jumyrtqalarymdy tyshqan jaryp ketipti, sony qurastyrýǵa kómektesesińder me?
- Ia, kómektesemiz.

«Bóligin tap» oıyny. Balalar bólikterin taýyp qurastyrady.
- Rahmet, senderge balalar! Men qýanyp qaldym.
- Balalar, senderge ana taýyqta rıza bolyp qaldy, sender ózderińniń jaqsy, aqyldy balalar ekenderińdi kórsettińder, endi ana taýyqpen birge serýenge shyǵyp «Balapandar» oıynyn oınaıyq.
Kútiletin nátıje:

Bilýi:Ertegi mazmunyn, keıipkerlerdiń is-áreketin maǵynaly túsine biledi.
Meńgerýi: Tildiń dybystyq mádenıetin, til baılyǵyn, til belsendiligin meńgeredi.
Jasaı alýy.Bólikterden bútin jasaı alady.