InfoHub Logo

Jelidegi belsendiniń bári bloger emes. Jýrnalıs bloger bolsa da, kez kelgen bloger jýrnalıs emes. Jalpy men osy taqyrypqa qatty qyzyqtym, kóptegen aqparat jınap tipti jýrnalıser men blogerlerdiń ózderiniń de oıyn bilýge tyrystym . Bloger kim? Qoǵamǵa tıgizer paıdasy qandaı? Halyqqa bloger qajet pe? Jýrnalıserdiń ornyn blogerler basty ma? Jýrnalıser blogerlerge nege ashýly? Osy suraqtardyń bári meni mazalaǵan bolatyn.Meni osynshalyqty qyzyqtyrǵan taqyrybyma jaýap tapqandaımyn.

 .

Eń aldymen bloger degen sóz bárimizge tanys bolý úshin anyqtap berip keteıin. «Bloger - osy qoǵam aıtqysy, kórgisi, bilgisi kelip turǵan dúnıeni syrtqa shyǵaratyn ótkizgish. Boldy. basqa anyqtamasy joq»- dep Órken Kenjebektiń dál osy aıtqany bárin túsindirdi degen oıdamyn. Iá, ıá dál osylaı. Blogerdiń búgingi kúnde qoǵamǵa berip júrgeni- saýatsyz jazylǵan aqparat, mobaılǵa túsirilgen ártúrli oqıǵa , saıasat týraly ashyq oılar, paıdasy joq jalǵan jazbalar . Mine osy dúnıeler qoǵam úshin mańyzdy ma ? Árıne joq . Biraq, jaǵymsyz jaǵyn ǵana qarastyra bergenimiz durys bolmas. Blog júrgizýdiń tıimdi jaǵy da bar.Óıtkeni: 1.Blogty júrgizý úshin kompúterdi egjeı-tegjeıli bilýdiń qajeti joq. 2.Usynylatyn servısterdiń basym kópshiligi tegin jumys isteıdi. 3.Qazir blog-servıster barlyq salany qamtıdy.Odan Shýmer tarıhyna qyzyǵatyndardan bastap,zamanaýı toptyń jankúıerlerine deıin óz izdegenin taba alady. Keıbir jaǵdaılarda tipti osy mobaıl telefonǵa jazylyp shyǵarylǵan apattyq jaǵdaıdlarda óz paıdasyn tıgizip qashýy múmkin. Osy tusta blogerdi taǵy da anyqtaı túsý úshin qoǵamdaǵy kópshilikke tanymal blogerdiń bir-ekeýin atap óteıin. Órken Kenjebek elimizdegi halyqqa eń tanymaly jáne oqyrmany kóp blogerdiń birden-biri bolyp tabylady. Qazirgi ýaqytta Facebook jelisindegi paraqshasynda 11 myńnan asa, al Instagram jelisinde 83 myńnan asa oqyrmany bar. Ol jazbalarynda túrli sala boıynsha pikir jazady, óz oıyn ashyq táýelsiz jetkizedi. Saıasattan bastap tarıhqa deıin oıyn aıtady. Elde bolyp jatqan is-sharalar týraly da óz pikirlerin aıqyn jazady. Memleketter arasyndaǵy aıyrmashylyqqa da pikir aıtqan. Sondaı-aq, Órken kúndelikti ómirde aıtýly degen máseleler jóninde de jazbalar jarıalaıdy. Ol Facebooke-te turaqty otyrmaıtynyn, kóp kóńil bólmeı ketkenin aıtty. Turaqty túrde tek Instagram-dy qoldanady eken. Oǵan qosa bloger Telegram arnasynda tehnıkalyq jáne túrli saladaǵy bolyp jatqan jańalyqtardy jetkizip, óz oıyn bildirip , trenıńtar ótkizedi.Halyqqa tanymal kelesi bloger retinde Tımýr Bekturdy mysal retinde keltirgim kelyp tur. Tımýr Bekturdyń qazirgi ýaqytta Instagram jelisinde 27 myń oqyrmany bar. Ol óz jarıalanymdarynda IT-tehnologıa jáne onyń mańyzy, tarıh, din sıaqty máselelerdi ashyq balamasyz túrde qozǵaıdy. Sondaı-aq, basynan ótken qyzyqty oqıǵalardy, kúndelikti ómirdegi máselelerin áńgimelep, oqyrmandaryna jetkizedi. Tımýr sonymen qatar YouTube jelisindegi óz arnasyn belsendi túrde júrgizedi. Bul eki blogerdiń halyq úshin paıdasy bar ekenin osy tusta aıtyp ótkim keledi . Sebebi, Qazaqstan jýrnalısıkasynda ekonomıka,zań,ınternet-marketol ári tehnıkalyq ǵylym salasynda jazatyn jýrnalıster jetispeıdi eken.Osy tusta Tımýr Bektýr sıaqty marketıń salasynda jazatyn blogerlerdiń halyq úshin mańyzy zor bolyp tur. Alaıda,jýrnalısterdiń bul blogerlerge aıtar óz ókpesi men tabar qateligi bar. «Blogerler saýatty jaza almaıdy"-deıdi jýrnalıster. «Aıqynnyń» ashyq alańynda jýrnalıster men blogerler arasyndaǵy pikirsaıysta ózderiniń jan aıqaıyn jetkizip qalǵan jýrnalıs «Aıqyn» gazetiniń tilshisi: Blogerlerdiń jazǵan-syzǵanynan mekteptiń joqtyǵyn anyq baıqaýymyzǵa bolady. Bul blogerlerdi mansuqtaý, ıakı jerge qaratý emes. Biraq bizdiń kezde mektep kórý, jaqsy tárbıeden ótý qajettilik sıaqty anyqtylyǵymyz baıqalyp turatyn. Máselen, blogerlerdiń jazbalaryn oqyp otyryp, bir útiri nemese núktesi ornynda turmasa, sol avtordy jýrnalıser tarapynan synǵa alyp, qabyldaı almaımyz. Óıtkeni sóılemderdiń júıesiz turǵany óz aldyna, odan bólek qarapaıym pýnktýasıany múlde bilmeý – jýrnalısıkanyń talaptaryn túgel buzyp turǵandaı kórinedi. Osyndaı ýaqyttarda jýrnalıser , jazýshylar tarapynan ashynǵandyq tanytyp turatynymyz bar. Sondyqtan qazir de «blogerler jınalyp jatyr eken» degendi estisem, shaqyrtýshy, bastaýshysy, baǵyttaýshysy kim eken degen másele tolǵandyrady. Árıne, sizderdiń túrli blog sabaqtaryna qatysyp, belgili bir oblystyń, óndiristiń jaǵdaıymen tanysyp, joq jerden taqyryp taýyp, jazyp jatatyndaryńyz, izdenisteriniz qýantady. Bul jýrnalısıkanyń mobıldiligine ákeledi.Dál osylaı jazyp ótken «Aıqyn» gazetiniń tilshisi sózge tıek etip, blogerlerge jýrnalıserdiń kóńili tolmaıtynyn eskerte ketken. Búgingi qoǵam blogerlerdi qabyldamaı qoımaq emes. Keminde 83 myń oqyrmany bar blogerdi qoǵam qabyldamaıdy deý qate. Demek,blogerlerdi qoǵam qajet etedi . Búgingi tańda bloger bolý ońaı ekenin bárimizge anyq. Biraq saýatty da bilimdi , damyǵan jýrnalıske qoǵam tarapynan árqashan tórden oryn berilmek. Qorytyndylaı kele qalamyna "ózi qoja, ózi bı", eshkimge baǵynyshty emes, aqparat keńistiginde erkin oı aqtaratyn beldi synshy, blogty qalaı, qaı formatta júrgizgisi kelse, solaı júrgizýge quqyqty, shekteýdi bilmeıtin «nedotilshini» búgingi kúnde qoǵam qajet etedi eken. Alaıda blogerdiń dáýiri qaı ýaqytqa deıin jalǵasatyny belgisiz. Bul oıymmen blogerde bir kúni óz dáýirinde qalady , al jýrnalıs qoǵam tórinen ketpeıdi degim keledi.

"Turan" ýnıversıtetiniń 2 kýrs stýdenti Sharapıeva Rysaldy Maratqyzy

---