InfoHub Logo

Týmaq bar jerde ólmek bar ekenin túsinetin qazekeń qýanyshty arttyrýǵa,qaıǵyny  jeńildetýge asyǵatyn halyq. Sodan bolar kópten kórispegen jandar tabysatyn, mal-jannyń amandyǵyn surasyp,bir jaǵadan bas bir jeńinen qol bolyp birigetin sáti ólim-jitim  men toı. Basqaǵa asyqpasa da, bul eki habardy estigen boıda jol qamyna kirisetin halyqpyz.

Toı — halyqtyń qazynasy.Halyqqa bereri ne jáne  qaýpi qandaı?

Búginde toı halyqtyń ál-aýqatynyń anyq kórinisi.Qaltasy jetpegender «jurttan qalmaıyn» — dep shyǵyndalady.Al,qaltasy qalyń jurt eń qymbat oryndarda eń baǵaly ártisterdi shaqyryp,básekemen ótkizedi.Qarjy naryǵyn retteý jáne damytý agenttiginiń málimetinshe,qazaqstandyqtardyń nesıe qaryzy 4,4 trıllıon teńgege jetken.Sarapshylar negizinen halyqtyń  toı-tomalaq jasaý úshin alýymen baılanystyrady. «Úılený ońaı,úı bolý qıyn».Demek, bes saǵattyq qýanysh bes jyl kredıt tóleýmen aıaqtalmaýy tıis.

«Búgingi toı ulttyq dástúrdi ulyqtaıtyn jalǵyz oryn»-dep aqtap alatyndar jeterlik.Ejelde toıda ótkiziletin at jarys,kókpar tartý,aqyndar aıtysy,balýan kúres sıaqty halyqtyń ulttyq ereksheligin  kórsetetin ulttyq oıyndar búgingi toıdan kórinis taýyp jatqan joq.Gúl laqtyrý úrdisin tolyǵymen almastyra almasaqta,emsin-emsin áýlettiń turmys qurmaǵan sulýlaryna, «jolymdy bersin»-dep yrymdap,úki taratý saltyn nasıhattap keletinimiz qýantady.Biraq,ulttyq ónerdi ulyqtaý  qymbat restoran men ysyrapshyldyqqa táýeldi bolmaýy tıis.

«Jaqsylyqta jolyqqansha» — deıtin halyqpyz.Degenmen, «chıp-chıptep», «aspanǵa qaraıtyn» toılarda emes, kásip ashyp bastaǵan súıinshi toılarda jolyǵaıyq. Toı toılaýdy toqtataıyq deýden aýlaýqpyn. Kelesi urpaq úshin toı toılaý qaryzǵa kirýmen teń dárejege jetpesin, «toı toıǵa ulassyn» deseńiz,kórpemizge qaraı kósileıik degim keledi.                                                                  

«Turan»Ýnıversıteti «jýrnalısıka» mamandyǵynyń 2 kýrs stýdenti: Dýrıa Qydyrbekova 

---