«Bolashaq» baǵdarlamasynyń 30 stıpendıaty Qazaqstanǵa oralýǵa daıyn
«Bolashaq» baǵdarlamasynyń 30 stıpendıaty Qazaqstanǵa oralýǵa daıyn.
Qazaqstandyq stýdentter qashyqtyqtan oqytylyp, mektep oqýshylary kóktemgi demalysqa erte shyǵady. Bul týraly Ortalyq komýnıkasıalar qyzmetiniń baspasóz konferensıasy barysynda QR premer-mınıstriniń orynbasary Eraly Toǵjanov málimdedi. Baspasóz konferensıasyna QR Bilim jáne ǵylym mınıstri Ashat Aımaǵambetov te qatysty.
Ashat Aımaǵambetovtiń aıtýynsha, búgingi tańda «Bolashaq» baǵdarlamasy boıynsha 857 qazaqstandyq bilim alýda, onyń ishinde koronovırýs boıynsha qolaısyz jaǵdaıy bar birinshi sanattaǵy elderde – 19 (QHR – 9, Ońtústik Koreıa – 3, Italıa – 7).
«Kóptegen sheteldik joǵary oqý oryndary qashyqtyqtan oqytý nysanyna kóshedi, osyǵan baılanysty stýdentterdiń belgili bir bóligi úılerine qaıtyp oralady. Sonymen qatar, biz stýdentterdi akademıalyq utqyrlyq baǵdarlamasy boıynsha oqýǵa jibermeýdi uıǵardyq. Stýdentter shetelde oqý úshin bir semestrge shyǵýy kerek bolatyn. Aǵymdaǵy jaǵdaıǵa baılanysty biz baǵdarlamany ýaqytsha toqtatý týraly sheshim qabyldadyq», – dedi mınıstr.
Kóptegen sheteldik oqý oryndary qashyqtyqtan bilim alýǵa kóshedi jáne stýdentter óz qalaýy boıynsha josparly túrde úılerine qaıtatyndyǵyn aıta ketken jón.
Búgingi tańda «Bolashaq» baǵdarlamasynyń 30 stıpendıaty tildik kýrstar, akademıalyq oqý jáne taǵylymdamanyń aıaqtalýyna baılanysty (Ulybrıtanıa – 10, AQSH – 10, Japonıa – 3, Lıtva – 7) 2020 jyldyń naýryz aıynda Qazaqstanǵa oralýǵa daıyn.
You Might Also Like
-
Óz tarıhyn tereń uǵynyp, ulttyq qundylyqtaryn shyn baǵalaı biletin halyqtyń ǵana bolashaǵy máńgi bolmaq. Búgingi alpaýyt jahandaný dáýirinde kez-kelgen ultty saqtap qalatyn dúnıeler – sol...
