InfoHub Logo

Bolashaq jýrnalıs retinde qazaq jýrnaldarynyń ishinen  kózime erekshe túsken "Baldyrǵan" respýblıkalyq balalar jýrnalyn saraptadym.  Balalardyń aqyl-oıyn, zerdesin damytatyn tanymdyq, rýhanı nár beretin ádebı, mádenı taqyryptardaǵy maqalalar men kórkem shyǵarmalar jarıalaý, mektep ómiri, balalardyń tynys-tirshiligi, balalardyń óz shyǵarmashylyǵyn qamtıtyn gazet-jýrnaldar shyǵarý jýrnaldyń negizgi maqsaty bolsa kerek. Túrli-tústi boıaýmen basylyp, jaryqqa shyǵatyn bul jýrnal- respýblıkamyzdyń ár óńirine jazylym boıynsha taratylady. 1959 jyldan bastap taratylatyn jýrnaldyń búgingi tańdaǵy taralymy- 26 277 dana.

"Baldyrǵan" balalar jýrnalynyń árbir sany balaqaılardyń jan-jaqty damýyna zor úles qosady. Jýrnaldaǵy árbir aıdar kretıvke toly. Máselen, tálim-tárbıe beretin ertegiler men áńgimeler, logıkany damytýǵa arnalǵan oıyndar, balanyń san qyryn ashý maqsatyndaǵy arnaıy betshelerge deıin qarastyrylǵan. Sonymen qatar, qazaq halqynyń salt-dástúrinde kózden tasa qaldyrmaǵan. Tili jeńil bul basylym kishkentaı balalar úshin paıdaly desem artyq bolmaıdy.  Suranysqa ıe jýrnaldyń taǵy bir tartymdylyǵy onyń sýretteri. Balalar qyzyqsa - qyzyǵatyndaı. Tipti, ózimde sýretterine qaraı bergi keledi. Túrli-tústi boıaýlarda adam psıhologıasyna áser etetindeı bolyp tańdalǵan. Kóńil-kúıdi buzatyn qara,qońyr túster jýrnalda qoıylmaǵan. "Jaraısyń" degen ataýmen beriletin kezekti aıdardan balaqaılardyń jetken jetistikterin kórýge bolady. Bul  da motıvasıanyń bir túri bolsa kerek. Osy aıdarda ár bala ózin kórgisi kelip, sýret salyp, áńgime jazyp redaksıaǵa jiberýge umtylady. Jýrnaldy oqyp qana qoımaı, keribaılanys jasaý múmkindigin týǵyzǵan redaksıaǵa óz alǵysymdy bildiremin! Bala-bolashaqtyń bastaýy! Balalarǵa arnalǵan sapaly jýrnaldar sany kóbeıe bersin.

Janerke Halıýllına

   

 

 

---