InfoHub Logo

Shaǵan boıynyń bir qazaǵy Omby aınalyp, Kókshetaýǵa keledi. Kókshetaýda bir úıge túsip qonady. Bir kezde qaras keregede qoldan shapqan qaz moıyn qońyr dombyra ilýli tur eken.

— Myna dombyrany tartyp kórýge bola ma?—dep suraıdy álgi kisi úı ıesinen.

— E, nege bolmasyn, ıesindeı tartsań berip te jiberer edim,— depti.

Álgi jigit dombyrany shalqytyp tartyp otyryp, bir kezde Birjannyń «Aıtbaıyna» basyp ketedi. Ony bola berip «Jambas sıpardy» úziltedi. Úı ıesi qart uıyp tyńdap qalypty. Muny baıqaǵan álgi jigit:

— Bizdiń aýyldyń Birjan degen qazaǵy osylaı shyrqaǵan eken,— deıdi.

— Seniń asylyn qaı aýyl, qaraǵym?— dep suraıdy qart.

— Biz Shaǵan boıynikimiz.

Baǵanadan beri uıyp otyrǵan qart, balqyp otyrǵan boıyn jınap:

— Boldy shyraǵym, boldy, endi aıtpaı-aq qoı,— dep ornynan turyp ketipti. Sóıtse túpsiz maqtanshaq bósip otyryp, óziniń Birjannyń aǵaıyndarynyń aýylynda otyrǵanyn, qolyndaǵy qońyr dombyra Birjan balasy Asyldan qalǵanyn sezbegen eken...

---