InfoHub Logo

Erkin úlken tórt qabat úıde turatyn. Bir kúni onyń úıine aýyldaǵy aǵasynyń qolynda turatyn qart sheshesi keldi. Arada birer kún etken soń qart ishim pysty ketemin dep álek saldy. Sonda sheshesin kópten kórmeı, ábden saǵynǵan Erkin ony jibergisi kelmeı:

— Siz myna balkonǵa shyǵyńyz da kóshedegi elge qarap otyryńyz,— deıdi. Balasynyń jibergisi kelmeı turǵanyn bilgen sheshe: «jaraıdy shyraǵym» deıdi. Sol kúni-aq qart bıik úıdiń balkonyna shyǵyp, kóshedegilerge qarap otyrady. Kóshede áıelderdiń neshe túrli kıimine qarap árqaısysyna ózinshe baǵa beredi, synaı qaraıdy. Bir kezde sońǵy sánmen ýyqqaptaı qylyp tikken, tap-tar beldemshe kıgen bir áıel ketip barady. Ol eteginiń tarlyǵy sonshalyq adymy qysqaryp, mımyrttap júre almaı bara jatqanyn baıqaıdy. Eki aıaǵy jybyrlap, qoltaýlaǵan jylqydaı búgejektegen áıeldi kórgen qart ana: «oı sumdyq-aı, aýylda atty tusaýshy edi, qalada áıelderdi tusaıdy eken ǵoı»,— dep kúlip jiberipti.

---