InfoHub Logo

Qansha tyrbansa da, eńbegi esh, tuzy sor bolǵan, tirshiligi barǵan saıyn keri ketken bir kedeı jigit, aýyl-úıin tárik etip, óziniń baqytyn izdep jolǵa shyǵady. Kele jatyp qaqpanǵa túsken bir sýyrǵa kezdesedi. Zatynda júregi jumsaq, meıirban paqyr, qaqpannyń ezýin ashady da, sýyrdy bosatyp qoıa beredi. Sol kezde tylsymnyń kúshimen sýyrǵa til bitip adamsha sóılep beredi. Ol: «Eı adamzat, sen maǵan úlken jaqsylyq qyldyń. Baǵyma oraı sen kezdespegende, búgin meniń terim tuzdalyp aıyrǵa keriler edi. Bile-bilseń, men sýyrlardyń patshasy Aıdananyń úlken ulymyn. Ekeýmiz kázir jerdiń astyna túsemiz. Meniń ákemniń aldyna baramyz. Sol kezde meniń ákem jaqsylyǵyńnyń óteýine osylardyń ishinen «qalaǵanyńdy al, qalaǵanyńsha al» dep búkil qazyna-múlikti ashyp tastaıdy, jer qaıysqan malyn aralatady. Biraq sen onyń eshqaısysyn alma. Buldy qusty sura. Ol qusty qaıdan bilesiń dese, bilsem boldy emes pe, taqsyr, qalaǵanym osy dep surap turyp al», — deıdi.

Jigit sýyrdyń aıtqanyn istep, Buldy qusty surap alyp qaıtady. Bul qustyń keremeti — ol kádimgi arpa bıdaı, tary jep altyn sańǵıdy eken. Sóıtip, belsheden batqan qaryzdan qutylyp, ózin ǵana emes, rýly elin de dáýletti, baqytty qylǵan eken.

---